Jesaja 44:4 - O Debleskro Drom 2021 (Sinte)

⁴ Un jon wenn baro har o senlepen pash o pani, un har i ruka pash i panjengre rigja.

O Debleskro Lab 2024 (Sinte-Manouche)

⁴ Oun yon venn baro har o zenlepen pash o pani, oun har i rouka pash i panyengre rigya.

Jesaja 44:4 Referans Kwoze

Jesaja 58:11

Un hako tsireske sikrell tut o baro Dewel tiro drom. Ninna te djiweh an o mulo tato them, dell lo tut doha djipaske, un dell tut newi soor. Palle hal tu har i baar, kolat hako tsiro doha pani hi, awa, har i pani, hoi dran i phub pre djal, un koleskro pani hako tsiro nashell.

Debleskri gili 1:3

Kowa hi har i ruk, hoi tardo hi pash o pani. Ap o tchatcho tsiro wenn leskre rukengre baro. Un leskre patria atchenn senelo. Lauter, hoi job krella, djala mishto.

Ezekiel 17:5

Palle las lo i drab dran o them un tchiwas les an latchi phub, kai bud pani his. Pash ko pani tchiwas lo les an i phub.

Bičepangre 4:4

Bud kolendar, kai shunan kol laba, hoi o Petro penas, wan patslo. Nai his pantch serja menshe.

Bičepangre 5:14

Bud mursha un djuwja patsan ap o Jesuseste un wan i patslentsa khetne.

Jesaja 61:11

Jaake har mukell i phub o senlepen pre te djal, un bares te well, jaake mukell o baro Dewel, maro rai, o tchatchepen pre te djal, un maro sharepen bares te well pash i menshende an i tsele themma.

3. Mose 23:40

Ap o ersto diwes lenn shukar rukengre, hoi ap i ruka bares wan, ninna palmtikre patria, pappeltikre kashta pengre patjentsa un wawar kashta bud patjentsa, un awenn efta diwessa bachteles glan tumaro baro Debleste.

Hiob 40:22

Kol pesse subjengre burra khatrenn les glan o kham. Un kol ruka, hoi pash o pani tardo hi, hi trul leste trujel.

Hiob 5:25

Un tu dikeh, har tire tchawe bud wenna, awa, kolla, kai pal tute wenna, wenn jaake bud har o senlepen ap i phub.

Jesaja 48:19

Tire tchawe, kai pal tute wenn, wans jaake bud har i santa pash o baro pani. Un lengre laba merans gar win. Un kek nai tradans len krik glan mande.