Jesaja 44:12 - O Debleskro Drom 2021 (Sinte)

¹² Ko budepaskro, kai budrell o sasteha, tchiwell o saster an i jag un krell i tchuri dran leste, un peskri soreli mussjah dell lo koi pre. Palle lell lo bok un nai budrell gar dureder, un job lell trush un leskri soor djal peske.

O Debleskro Lab 2024 (Sinte-Manouche)

¹² Ko boudepaskro, kay boudrell o sasteha, čivell o saster an i yag oun krell i čouri dran leste, oun peskri zoreli moussyah dell lo koy pre. Palle lell lo bok oun nay boudrell gar doureder, oun yob lell troush oun leskri zoor djal peske.

Jesaja 44:12 Referans Kwoze

Jesaja 40:19

I figura, nai well li har o Dewel? I budepaskro krell lat dran saster, un i wawar tchiwell sonakai trul late, un krell rupene werklia un pandell len ap late pre.

Habakuk 2:13

O baro Dewel, ko rai pral o bolepen un i phub, krell, te well jaake: Ko tselo koowa, kai budran pen i menshe dran wawar themma temerl, kowa well i jagatar tele chatchedo. Un koleske kol menshe pen tele maran, his tchitcheske.

2. Mose 32:8

Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

2. Mose 32:4

Un job las len dran lengre wasta, un tchiwas len an i jag, un kras i dewel, hoi dikas win har i terno gurum. Un jon penan: “Kawa hi tiro Dewel, Israel, kowa, kai tut dran o them Egiptia win anas.”

5. Mose 4:28

Un kote mangenn tumer kol deblen dran kasht un bar an, hoi menshengre wastentsa kerdo wan. Un kol debla nai dikenn un shunenn, nai chan un sungenn gar.

Jesaja 40:20

Jek, kai hi tchorwelo, rodell peske i kasht, hoi sorelo atchell, un anell les pash i mursheste, kai haiwell mishto o kashteha te budrell, te krell lo leske i figura, hoi gar trujel perell.

Habakuk 2:18

Hoi well tuke palle ap i rig? I figura dran kasht un saster, hoi i mursh peskre wastentsa kras? Kowa hi chochepen! Har nai patsell jek ap i dewel, hoi nai rakrell gar, un koles job peskre wastentsa kras?