Jesaja 44:1 - O Debleskro Drom 2021 (Sinte)

¹ Kanna shun tu, Israel, miro budepaskro, tumer mire wi-rodede menshe, kolengro phuro dad o Jakob his.

O Debleskro Lab 2024 (Sinte-Manouche)

¹ Kanna shoun tou, Israel, miro boudepaskro, t'mer mire vi-rodede menshe, kolengro phouro dad o Yakob his.

Jesaja 44:1 Referans Kwoze

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Louka 13:34

“Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre ternende garda della, un lell len tel peskre phora. Un tumer kaman gar.

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 42:23

Koon tumendar kamell kawa peskre kandentsa te shunell? Koon kamell koi pre jak te dell an ko tsiro, hoi wella?

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

Debleskri gili 136:22

Te well les i Israelenge, kai leskre budepangre hi. Leskro latchepen atchella hako tsireske!

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Jesaja 41:9

Tu hal kowa, koles win lom dran i palstune themma ap kai phub. Fun dural dom tut gole un penom ap tute: Miro budepaskro hal tu, tut rodom win, un tchiwom tut gar ap i rig.

Jesaja 44:21

Ma biste kowa, Jakob! Tu, Israel, hal miro budepaskro. Me krom tut, tu hal miro budepaskro. Israel, me bistrau tut gar.

Jesaja 45:4

Me krom tiro lab bares, ninna te prindjral man gar, un dom tut gole tiro labeha. Kowa krom o Jakobeske, kai mange koi hi, awa, o Israeleske, koles mange win rodom.

Jesaja 48:12

Shun ap mande, Jakob, tu, kai kharedo weh ‘Israel’! Tu hal kowa, koles gole dom! Me kokres hom o Dewel, un atchau kowa, kai homs un hom.