Jesaja 43:5 - O Debleskro Drom 2021 (Sinte)

⁵ Ma dare! Me hom tuha! Me anau kolen, kai tutar hi, khere dran i themma, kai kote hi, kai o kham pre djal, un kai o kham tele djal.

O Debleskro Lab 2024 (Sinte-Manouche)

⁵ Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

Jesaja 43:5 Referans Kwoze

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

Louka 13:29

Dran hako them wenna i menshe pash o Debleste an o bolepen khetne, un beshenn pen tele, te chan le.

Jesaja 49:12

Dikenn, mire menshe wenn fun dural: dran i themma, hoi serwes un tchatches tchiddo hi, un fun kotar, kai o kham tele djal.

Jesaja 44:2

Kowa hi, hoi me, o baro Dewel, tuke penau: Me krom tut un dom tut o djipen har gomme gar boldo hals; me hom ap tiri rig. Ma dare, miro budepaskro Jakob, tu Israel, koles me mange win rodom!

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Zakarie 8:7

Kowa penell o baro Dewel, ko rai pral o bolepen un i phub: “Awa, me lau mire menshen win dran o them, kai o kham pre djala, ninna dran o them, kai o kham tele djal.

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Debleskri gili 106:47

Baro Dewel, le men win dran i wasta kol wawar menshendar, maro Dewel! An men pale lauter khetne an o them Israel, te parkras men pash tute, kai kokres o tchatcho Dewel hal. Mari bacht hi, te nai sharah tut.

Johanni 10:16

Man hi ninna wawar bakre. Kolla hi kate gar khere. Kolen anap halauter kate. Jon shunenn ap miro rakepen, un me anau len khetne i wawarentsa. Un len hi jek bakrengro.

Micha 2:12

Tumer, Jakobeskre tchawe, me anau tumen khetne, – halauteren, kai atchan pral fun o tselo Israel. Anau tumen khetne, har anell i bakrengro peskre bakren an lengro kheer. Jaake har anell lo peskre bud bakren kote, kai le khere hi, jaake anau tumen an tumaro them. Un o them well pherdo tumendar.

Debleskri gili 107:3

Job anas len khetne dran bud themma, kotar, kai o kham pre-djala, kotar, kai o kham tele djal, kotar, kai o kham gar well, un kotar, kai o kham pralstunes tardo hi.

Jesaja 8:10

Rakrenn khetne har te djan glan, un djinenn, kolestar well tchi. Rakrenn jaake bud har kamenn, Tchi well win. O Dewel hi mentsa.

Jesaja 41:9

Tu hal kowa, koles win lom dran i palstune themma ap kai phub. Fun dural dom tut gole un penom ap tute: Miro budepaskro hal tu, tut rodom win, un tchiwom tut gar ap i rig.

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 49:18

Dik, hoi an i themma trul tute djal! Kol menshe wan khetne, te wenn le pash tute! Me dau man sowel pash miro djipen, penell o baro Dewel: Jon hi tuke har i sonakaskri werkli, hoi trul tiri meen tchiweh, un har i shukar pereskri dori, hoi i tchai trul late pandell, te hi lat bijab.

Jesaja 54:3

Tiri familja well bareder un bareder un len hunte well budeder platsa ap i tchatchi rig un ap i serwi rig. Un tire tchawe tradenn wawar menshen win, un djiwenn pale an kol forja, hoi paash dino wan.

Jesaja 54:7

I tikno tsireske mukom tut. Kanna krau miro dji bares pre tuke un lau tut pale pash mande.

Jesaja 61:9

Lengre tchawe, kai pal lende wenna, hi prindjedo un an-diklo pash i menshende an hake themma. Un koon len dikell, haiwell: Kolla hi i menshe, ap kolende o baro Dewel peskri bacht tchiwas.

Jeremia 23:8

Na-a, jon penenna: … pash o djido Debleste, kai las i Israelitarjen win dran ko them, hoi kote tchiddo hi, kai norden hi, ninna dran kol tsele wawar themma, kai job len tradas. Palle djiwenn jon pale an pengro them.

Jeremia 29:14

palle mukau man tumendar te hatsell, penell o baro Dewel. Un me lau tumen dran tumaro pandepen win, un anau tumen khetne dran i tsele menshende un themma, kai tradom tumen, penell o baro Dewel. Un me anau tumen pale an kau them, kai mukom tumen krik te anell.

Jeremia 42:11

Ma trashenn o baro rajestar dran o them Babilonia, glan koleste tumen traash hi, penell o baro Dewel; me hom pash tumende, te wap tumenge ap i rig, un lap tumen dran leskro wast win. Doleske ma trashenn lestar!

Jeremia 51:46

Te shunenn tumer, hoi an o them rakedo well, nai darans tumer, un nai nashrans tumare djia pengri soor. Hako bersh well wawar djungelo koowa rakedo: Bari sorjah djan le ap i tiknende an kau them, un jek rai djal ap o wawareste.

Jeremia 3:18

Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

Jeremia 23:7

O diwes well, penell o baro Dewel, kai well gar buder sowel dino kal labentsa: … pash o djido Debleste, kai las i Israelitarjen win dran o them Egiptia.