Jesaja 43:1 - O Debleskro Drom 2021 (Sinte)

¹ Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

O Debleskro Lab 2024 (Sinte-Manouche)

¹ Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:1 Referans Kwoze

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Jesaja 43:7

Halauter te wenn khere, kai miro labeha kharedo wenn, kolen mange krom, te well miro lab baro, kolendar i natsjona krom, hoi miro hi.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

Jesaja 43:21

Un mire menshe Israel, kolen mange krom, sharenn man glan i wawarende.

Jesaja 42:6

Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

Jesaja 44:2

Kowa hi, hoi me, o baro Dewel, tuke penau: Me krom tut un dom tut o djipen har gomme gar boldo hals; me hom ap tiri rig. Ma dare, miro budepaskro Jakob, tu Israel, koles me mange win rodom!

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

2. Mose 33:17

O baro Dewel penas ap o Moseste: “Ninna kawa, hoi tu mandar mangal, kamau me te krell. Tu hal latches glan mire jaka, me prindjrau tut un djinau tiro lab.”

Maleachi 3:17

Un pral lende penell o baro Dewel, ko rai pral o bolepen un i phub: Ap ko diwes, kai me wau, sikrell pes, kai hi le mire. Un me krau miro dji lenge jaake pre, har i mursh peskro dji pre krell peskro tchaweske, kai leske koi hi.

Bičepangre 27:25

Doleske murshale, ma trashenn! Me patsau o Debles, lauter well jaake, har job mange penas.

Jeremia 31:3

O baro Dewel sikras pes mande fun dural: Me kamom tut hako tsiro, doleske tserdom tut pash mande dran miro latchepen.

1. Mose 32:28

Koi putchas lestar ko mursh: “Har khareh tu?” “Jakob”, penas job.

Debleskri gili 102:18

Job shunell o mangepen kolendar, hoi muklo wan. Ap lengro mangepen dikell job latches.

5. Mose 32:9

I Israelitarja hi leskre menshe. Jon, o Jakobeskre tchawe, hi kolla, kai rodas lo peske win.

Jesaja 49:1

Shunenn ap mande, tumer kai pash o baro pani djiwenn! Denn jak ap miro rakepen, tumer an i themma, hoi dur krik hi! Har gomme gar boldo wom, das man o baro Dewel gole, un das man miro lab.

Jeremia 33:24

Shunal tu, hoi kal menshe rakran: “I menshe dran kol dui khera, dran o kheer Juda un dran o kheer Israel, kolen o baro Dewel peske win rodas, kolendar kamell lo buder tchi te djinell.” Un jon dikenn tele ap mire menshende. An lengre jaka hi jon buder kek natsjona.

Jesaja 62:12

Un jon wenn kharedo ‘Debleskre menshe’ un ‘wi-ginle o baro Deblestar’. Un tut denn le gole ‘o foro, hoi o Dewel kamell’ un ‘o foro, hoi buder gar muklo hi’.

Jesaja 48:17

O baro Dewel, kowa, kai tut, Israel, win las dran o pandepen, job, o tchatcho Dewel, hi o Israeleskro Dewel un penell: Me, o baro Dewel, hom tiro Dewel, kowa, kai tute sikrell, hoi tuke mishto hi, un ap hawo drom tu hunte djas.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

2. Mose 15:13

Tire menshenge kamlo hal, kolenge, kai tu i sorjah win lal un ap i latcho drom anal, hoi pash tiro Debleskro kheer djal.

Jesaja 63:16

Tu hal maro dad. O Abraham djinell tchi mendar, un o Jakob prindjrell men gar. Tu, baro Dewel, hal maro dad, kowa kai men win las dran o them Egiptia. Glan rah tsiro kral tu tuke koleha i baro lab.

Bičepangre 27:20

Bud diwessa nai dikam o kham un i bolepangre momlia gar, jaake sorelo phurdas o baro ducho pral o baro pani, un das sorelo brishin. Koi patsam mer, kai nashrah mer maro djipen.

2. Mose 15:16

I trashatar his le har bango. Tiri sorjatar wan le har barra, har tu mukal tire menshen glan lende win te djal, tire menshen, kai tu tuke win rodal, baro Dewel.

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Jesaja 43:5

Ma dare! Me hom tuha! Me anau kolen, kai tutar hi, khere dran i themma, kai kote hi, kai o kham pre djal, un kai o kham tele djal.

Jesaja 48:20

Djan win dran Babilon! Sik, nashenn dran o them Kaldea! Denn win gole i bachtjatar, un penenn kawa dureder, jaake te shunenn le kowa ap i tseli phub. Penenn: O baro Dewel las peskro budepaskres, o Jakobes, win dran o pandepen!

Jesaja 52:9

Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Daniel 10:19

un penas: “Ma dare gar! Tu hal kutch o Debleske! Lauter te djal tuke mishto! Ab sorelo, ab sorelo!” Un har job mantsa rakras, wom me sorelo, un penom: “Miro rai, rake! Tu dal man soor.”

5. Mose 32:6

Tumer dinele menshe, kolen kek goswepen hi, parkrenn tumer tumen jaake pash tumaro baro Debleste? Hi job gar tumaro dad, kai kras tumen? Kowa, kai kras tumendar i natsjona?

5. Mose 32:15

O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

Jesaja 45:11

Kawa penell o baro Dewel, kai kokres o tchatcho Dewel hi. Job hi o Israeleskro Dewel, un kowa, kai les kras: Hunte penap tumenge, hoi mire tchawentsa krau? Kamenn mange glan te tchinell, hoi te krap mire wastentsa?

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jesaja 51:13

Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

Ropaskre gilja 3:57

Har kharom tut goljah, wal tu pash mande, un penal: “Ma traash buder gar!”