Jesaja 4:5 - O Debleskro Drom 2021 (Sinte)

⁵ Pral i tseli berga Zion un pral kai platsa, kai wenn le khetne, bitchrell o baro Dewel palle jek wolka ap o diwes, un i jagakro ducho an i rati. Jaake tchakrell lo o foro peskro railepah

O Debleskro Lab 2024 (Sinte-Manouche)

⁵ Pral i tseli berga Sion oun pral kay platsa, kay venn le khetne, bičrell o baro Devel palle yek folka ap o dives, oun i yagakro dourho an i rati. Yaake čakrell lo o foro peskro raylepah

Jesaja 4:5 Referans Kwoze

Nehemia 9:12

Un tu sikral len o drom. Ap o diwes djas i wolka glan lende, un i rati i jag, te well len i momeli ap o drom, koles jon hunte djan.

Debleskri gili 78:14

Ap o diwes djas lo glan lende an i wolka, un rati an i jag, te was len i momeli.

Jesaja 60:1

Ste pre, Jerusalem, ab railo har o kham! I newo diwes well tuke, un o Debleskro railepen djal pre pral tute.

Jesaja 46:13

Me anau tumenge miro tchatchepen. Kowa hi gar dur tumendar krik. Sik lau tumen dran i bibacht win. An o foro Zion krau i menshen bachteles. un i Israelende sikrau miro railepen.

Jesaja 33:20

Dik ap ko foro Zion, kai mer khetne wah ap i bare diwessa. Dik, har i Jerusalem i foro hi, kai djiwenn i menshe kek darjah. Ko foro hi har i plachteno kheer, hoi buder gar tele phagedo well. Kol saster, hoi les rikrenn, wenn gar buder win tserdedo, un lengre shelle djan gar buder paash.

Debleskri gili 85:9

Kamoms te shunap, har o baro Dewel penell, te well an leskro them un leskre menshenge kek kurepen, jaake te djas mer gar ap dinele dromma.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Debleskri gili 89:7

Koon an o bolepen hi jaake har tu, maro baro Dewel? Hawo Dewel nai well jaake har maro baro Dewel?

2. Mose 14:24

Sik taissarlakro, har o kham gomme gar pre djas, dikas o baro Dewel dran koi jagakri wolka tele ap i tsele Egiptikre lurdende un tchiwas i daar ap lende.

Jesaja 37:35

Un me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.

Jesaja 32:18

Palle djiwenn mire menshe an i them, kai kek kurepen hi, an khera, kai hunte well len kek daar, te krell jek lenge tchomone, un ap platse, kai nai atchenn le, un kek tradell len krik.

Debleskri gili 111:1

Sharedo well o baro Dewel! Miro tselo djijestar sharau o baro Debles kote, kai kolla khetne wenna, kai o tchatcho drom djan.

2. Mose 26:7

Kre 11 (deesh-te-jek) pesse plachte dran busjengre balla, te wenn le pral o kheer tchiddo.

2. Mose 26:1

Ko kheer kress tu dran deesh pesse plachte. Un kolla wenn sido dran latcho sorelo laintikro than, kai ninna kutch bakrengro bal dren hi. Kowa hi blaueto, lolo un lolo har jag. An kol plachte wenna bolepangre dren sido an shukar wastengri budi.

Mateo 18:20

Un kote, kai dui, triin menshe khetne wenna an miro lab, kote hom me mashkral lende.

2. Mose 24:16

Un o railepen o baro Deblestar mukas pes tele ap i berga Sinai. Un i wolka tchakras i berga shob diwessa. Un ap o eftato diwes das o baro Dewel dran koi wolka ap o Moseste gole.

Debleskri gili 105:39

O baro Dewel khatras peskre menshen tel i wolka, un rati sikras len i jag o drom.

Jesaja 60:2

Dik, kalepen tchakrell i phub un tamlepen i wawar themma, pral tute stell o baro Dewel pre, un leskro railepen mukell pes pral tute te dikell.