Jesaja 39:2 - O Debleskro Drom 2021 (Sinte)

² Un o Hiskija his bachtelo pral i bitchepangre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.

O Debleskro Lab 2024 (Sinte-Manouche)

² Oun o Hiskiya his barhtelo pral i bičepangre, oun sikras lende peskro tselo bravlepen, roup, sonakay, soungepaskro koova, lačo djet, oun ko kheer, kay kol tsele kourepaskre koola dren hi, oun leskro tselo kouč koova. Či his an leskro kheer oun an leskro them, hoy lo lenge gar sikras.

Jesaja 39:2 Referans Kwoze

2. Familjakro liil 32:31

An ko tsiro, kai bitchran i pralstune dran o them Babilonia bitchepangren pash o Hiskija, te putchenn le lestar, hoi an o them djas, har o Dewel sawo baro koowa kras, hoi kek wawar nai krella, kote mukas les o Dewel kokres, te dikell lo, hoi an leskro dji hi, un hoi krals lo.

2. Familjakro liil 32:25

Har o Hiskija sasto was, was lo pre-phurdo un das o baro Debleste ko latchepen gar pale, hoi kowa ap leste kras. Doleske was o baro Dewel chojedo pral leste un pral o them Juda un pral o foro Jerusalem.

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Hiob 31:25

Me stom gar i bachtjatar, te was miro brawlepen baro, un mange jaake bud khetne lom.

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Gosewe laba 4:23

De jak ap kowa, hoi patseh dur an tiro dji! Kolestar well o djipen.

2. Familjakro liil 32:27

O Hiskija his latches an-diklo, un les was bud un budeder brawlepen. Un job kras peske khera, kai was pre-hadedo leskro rup, sonakai, kutch barra, sungepaskro djet, shilte, un wawar kutch koowa.

2. Familjakro liil 9:9

Un joi das o baro rajes Salomo 120 (sheel-te-biish) zentnarja sonakai, un bud latcho sungepaskro djet un bud kutch barra. An kek tsiro das jaake kutch sungepaskro djet har kowa, hoi i rajetsa dran Saba o rajeske Salomo anas.

2. Familjakro liil 9:1

Un koi rajetsa pral o them Saba shunas, har an-diklo o Salomo was, un was pash leste an o foro Jerusalem, te putchell li lestar sawo koowa, hoi kek wawar djinell. Un bud lakre budepangre wan lah. Lakre khamele hidjran latcho sungepaskro djet un bud sonakai un kutch barra. Un har joi pash o Salomo was, putchas li lestar halauter, hoi lat ap o dji his.

2. Rajengro liil 20:13

Un o Hiskija las len kamles pre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.

1. Rajengro liil 10:25

Un hakeno, kai was, anas kutch koowa pash leste, rupeno un sonakaskro koowa, ripja un karmangre, sungepaskro djet, graja un maultikre burike. Kowa his hako bersh jaake.

1. Rajengro liil 10:15

Koi pashel was kol lowe, hoi hunte plaissran leske i bikepangre un i parepangre, kai djan dren un win an o them, un kol lowe, hoi dan leste i tsele bare raja dran o them Arabia un wawar themeskre raja.

1. Rajengro liil 10:10

Un joi das o baro rajes Salomo 120 (sheel-te-biish) zentnarja sonakai, un bud latcho sungepaskro djet un bud kutch barra. An kek tsiro buder was jaake bud latcho sungepaskro djet an o them, har kowa, hoi i rajetsa dran Saba o rajeske Salomo anas.

1. Rajengro liil 10:2

Un joi was an o foro Jerusalem. Un bud lakre budepangre wan lah. Lakre khamele hidjran latcho sungepaskro djet un bud sonakai un kutch barra. Un har joi pash o Salomo was, putchas li lestar halauter, hoi lat ap o dji his.

1. Johanni 1:8

Mer te penah: “Men hi kek doosh an maro djipen”, jaake chochah men kokres, un mer ham gar an o tchatchepen tardo.