Jesaja 34:9 - O Debleskro Drom 2021 (Sinte)

⁹ Un kol panja, hoi nashenn an o them Edom, wenn har pesso kalo djet, un leskri phub chatchrell un well djelti jagakri tchik. Ko tselo them well pesso kalo djet,

O Debleskro Lab 2024 (Sinte-Manouche)

⁹ Oun kol panya, hoy nashenn an o them Edom, venn har pesso kalo djet, oun leskri phoub rhačrell oun vell djelti yagakri čik. Ko tselo them vell pesso kalo djet,

Jesaja 34:9 Referans Kwoze

5. Mose 29:23

Palle penenn i menshe dran i tsele wawar themma: “Hoske kras o baro Dewel kawa kau themeha? Hoske was lo jaake chojedo?”

Debleskri gili 11:6

Mu dell lo i tchilatchen i phagi: Jag un jagakri khand mukell lo pral lende te perell, un i tato ducho phurdell ap lende.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Judas 1:7

Jaake lan ninna kol menshe i phagi, kai djiwan an i forja Sodom un Gomorra un an kol forja trul lende. Jon kran wi-ladjedo koowa har kol bolepangre un djan wawar mass palla. I phagi, hoi pral kol menshende was, sikrell mende, hoi kolenge djal, kai sawo koowa krenna. Jon djan an i jag, hoi hako tsiro chatchella.

Louka 17:29

Ap ko diwes, kai o Lot dran o foro Sodom djas, was jag dran o bolepen, un lauter wan chatchedo.

Hiob 18:15

An leskro kheer djiwenn palle kolla, kai gar lestar wenn. Un ap leskro kheer wenn jagakre barra witsedo.

1. Mose 19:28

Un o Abraham dikas tele ap kol forja Sodom un Gomorra un pral ko tselo them pash o pani Jordan, un dikas i bari jagakro ducho pre te djal har dran i baro bob.

Jesaja 30:33

I rah tsiro hi i chatchepaskri platsa kerdo, dur tele djal li un buchles hi li. Ninna o baro rajeske hi li kerdo. Jag hi koi un bud kashta chatchepaske. Un o ducho o baro Deblestar phurdell soreles koi pre, un krell i jag, hoi lauter pre chatchrella.

Jeremia 49:13

Me, o baro Dewel, dom man pash mande kokres sowel, te well tumaro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, jaake paash dino well ko foro. Te kamell jek o wawares te praassell, penell lo: Mu djal tuke har o foreske Bozra! Ninna i tsele wawar forjendar an o them Edom atchell tchi pral har barra hako tsireske!