Jesaja 34:8 - O Debleskro Drom 2021 (Sinte)

⁸ Kawa hi o tsiro, kai o baro Dewel i wawar themma pengri phagi dell, koleske, hoi le ap i menshende ap i berga Zion kran.

O Debleskro Lab 2024 (Sinte-Manouche)

⁸ Kava hi o tsiro, kay o baro Devel i vavar themma pengri phagi dell, koleske, hoy le ap i menshende ap i berga Sion kran.

Jesaja 34:8 Referans Kwoze

Jesaja 63:4

An miro dji was o diwes, kai dau hakenes pale, hoi lo kras. Un ko bersh was, kai lau mire menshen dran o tchilatchepen win.

Jesaja 61:2

Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Jesaja 35:4

Penenn ap kolende, kolen i dareno dji hi: Awenn sorelo! Un ma darenn! Dikenn, kote hi tumaro Dewel! Job well, te dell lo tumen tumaro tchatchepen un i phagi kolende, kai kran tumenge tchilatchepen. Job well un lell tumen dran lengre wasta win.

Debleskri gili 94:1

Baro Dewel, tu hal o Dewel, kai o tchilatchepen pale deh kolenge, kai wawaren tchilatchepen kran. Ab, un sike tut!

Debleskro tsiro 19:2

Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

5. Mose 32:35

Job penell: Me hom kowa, kai dau len halauter ap lengro shero pale an ko tsiro, kai trissenn lengre herja. Gar dur hi o diwes, kai well lengri bibacht pral lende. Un kowa, hoi ap lende well, kowa well sikepah.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Micha 6:1

Shunenn, hoi penell o baro Dewel ap o Israel: Ste pre, un an tiro koowa glan! Un muk i bare un tikne berge tiro rakepen te shunell!

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Debleskro tsiro 14:11

Un i khand koi jagatar, hoi krell len sawe bare duka, djal pre hako tsiro. Kolla, kai mangan o vieches an un ko kerdo vieches, un lan leskro sikepen ap pende, kolen hi duka o diwes un i rati.

Jesaja 13:6

Rowenn, o diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral tumende.

Jesaja 47:3

Tu well diklo, har djal nanges, un ladj well ap tute. Kanna dau me tut ko tselo tchilatchepen pale, hoi kral. Un kek nai rikrell man pale.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Joel 3:4

Glan te well o diwes o baro Deblestar, ko baro diwes, hoi daar un traash anell, well o kham kalo, un o tchon lolo har rat.

Jesaja 13:9

Kanna well lo, ko diwes, kai o baro Debleskri choli well! Djungeles hi ko diwes, pherdi choljah. An leskri bari choli krell o baro Dewel i phub paash, un tradell i tchilatchen latar win.