Jesaja 34:5 - O Debleskro Drom 2021 (Sinte)

⁵ Miro charo kras peskri budi ap o bolepen. Kanna mukau les tele te perell ap o them Edom, un ap leskre menshende, kolen pengri phagi dau un len marau.

O Debleskro Lab 2024 (Sinte-Manouche)

⁵ Miro rharo kras peskri boudi ap o bolepen. Kanna moukau les tele te perell ap o them Edom, oun ap leskre menshende, kolen pengri phagi dau oun len marau.

Jesaja 34:5 Referans Kwoze

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Jesaja 63:1

Koon hi kowa, kai well dran o them Edom dran o foro Bozra, rido an lole koola? Koon hi kowa, kai hi jaake railes rido, un kai nashell railes an peskri bari soor. Kowa hom me, o baro Dewel, kai rakrell an o tchatchepen: Man hi i soor, te lap tumen dran o merepen win.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Zefanja 2:12

Ninna pral tumende an o them Etiopia, bitchrau lurden, kai marenn tumen o chareha.

Jeremia 47:6

Tu, o baro Debleskro charo, kaana kameh tu pre te herell? Muk tele un dja pale an tiri possita, un atch pokones!

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Debleskri gili 137:7

Baro Dewel, ma biste gar, hoi i Edomarja kran, har jon ap ko diwes gole dan an i Jerusalem: “Phagenn o foro tele! Phagenn les tele bis ap o telstuno bar!”

Debleskri gili 17:13

Baro Dewel, ste tu pre, tchip tut lenge an o drom! Stake len khetne! Ab un le tiro charo, un le miro djipen win dran i wasta kol tchilatchendar.

5. Mose 32:14

Len his khil i grumjendar un i thud i bakrendar, ninna o mass i tikne bakrendar, un pesse bakre un busja; I Israelitarja chan o latcheder djob, un pijan gudli loli mool.

Debleskro tsiro 1:16

Un an leskro tchatcho wast his les efta bolepangre momlia. Un dran leskro mui was i charo, hoi ap dui rigja nai tchinella. Un leskro mui his har o kham.

2. Petro 2:14

An lengre jaka dikeh, kai dikenn le pal haki djuwjate. Hako tsiro hi len bok pal tchilatcho koowa. Un jon anenn kolen o tchatcho dromestar tele, kai hi gar sorelo an o patsepen. Lengro dji hi pherdi bok pal i lowe. Praassedo hi le!

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

Jesaja 43:28

Doleske tchiwom tire rashajen pale. Un mukom menshen dran wawar themma pral tute well, te wess paash dino, Jakob. Un krom, te wan tumer Israelitarja praassedo.

Jesaja 65:12

Doleske penau me, tumer wenn mulo dino o chareha, un hunte djan ap i tchanga, te wenn maredo har vieche. Har dom me tumen gole, dan tumen gar glan. Har rakrom tumentsa, shunan gar, un kran, hoi djungeles hi an mire jaka, un rodan tumenge kowa win, hoi gar kamau.

Ezekiel 32:29

Kote hi o Edom un leskre raja un leskre tsele pralstune. Ninna te his le jaake sorelo, hi le kanna kote tchiddo, kai kolla tchiddo hi, kai o chareha maredo wan. Kote an o mulengro them hi le tchiddo pash kolende, kai gar tchinlo hi ap pengro mass.

Ezekiel 35:1

Un o baro Dewel penas ap mande:

Ezekiel 35:8

Un me krau tire berge, te wenn le pherdo kolentsa, kai maredo wan an o kurepen. Ap i tikne berge, un an i tale, un an i tikne panja hi kolla tchiddo, kai o chareha mulo dino wan.

Ezekiel 35:15

Tu hals bachtelo, har was o Israelengro them i mulo them. Doleske krau, te djal tuke jaake har lenge djas. I berga Seir khetne o tselo them Edom well i mulo them. Palle dikenn un haiwenn i menshe, te hom me o baro Dewel.

Jesaja 21:11

Kate sikrell o Dewel, hoi pral o them Edom wella. Dran o them Seir denn le ap mande gole un putchenn: “Tu, kai jak deh, har dur hi an i rat? Kaana hi i rat trujel?”

Ezekiel 36:5

Doleske penell o baro Dewel, maro rai: Tchatchepah, an miri tati choli rakrom me i phagi win pral i menshende an o them Edom un an i themma trul tumende, kolla miro them penge lan, te randenn le les win. Koi pashel san le pen mulo pral tumende, te djas tumenge jaake, un praassan tumen.

Zefanja 1:7

Ma rakrenn tchi, te wenn glan o baro Debleste, maro rajeste! Ko diwes well sik, kai well o baro Debleskri choli pral i menshende. Kau diwes hi har i marepaskro diwes, kai viechen maredo wenn o Debleske un i chapen kerdo well. O baro Dewel kras ko chapen un das menshen khetne gole, te wenn le pash o chapen.