Jesaja 34:3 - O Debleskro Drom 2021 (Sinte)

³ Un kolla, kai temerl dino wan, atchenn tchiddo un wenn gar paskedo. Un o khand lendar djal pre, un ko rat lendar nashell i berge tele har pani.

O Debleskro Lab 2024 (Sinte-Manouche)

³ Oun kolla, kay temerl dino van, ačenn čiddo oun venn gar paskedo. Oun o khand lendar djal pre, oun ko rat lendar nashell i berge tele har pani.

Jesaja 34:3 Referans Kwoze

Joel 2:20

Un me tradau kol bud lurden krik tumendar, kai wenn koi rigjatar, kai norden hi. Kolla lendar, kai djan glanstunes, tradau an o Mulo Baro Pani, un kolla, kai wenn palstunes, tradau an o Mashkralstuno Baro Pani; un i tsele wawar lurden tradau an i diwjo tato them. Kote merenn le. Un lengri khand djal pre. Jaake lenn le pengri phagi ko bud tchilatchepaske, hoi le kran.

Ezekiel 39:4

Ap i berge Israel weh tu mulo dino, tu un tire tsele lurde, ninna kol lurde dran wawar themma, kai tuha wan. Un me dau tumen i diwje viechenge un hake tchirklenge, kai mass chan, te chal.

Jesaja 34:7

Ninna diwje gurma merenn lentsa, terne gurma khetne kol sorele phurentsa. Un lengro them well pherdo rat, un thulepen tchakrell lengri phub.

Debleskro tsiro 14:20

Win glan o foro wan kol drake an koi bari piri stakedo. Un o rat nashas koi win, jaake bud, te djas o rat o grajenge pash lengre muja, un nashas triin-sheel (300) kilometarja dur.

Amos 4:10

Me bitchrom sawo pharo nasslepen ap tumende, har bitchrom ap o them Egiptia. Me marom tumare terne murshen an o kurepen, un mukom tumare grajen pandles krik te anell. O khand kol mule lurdendar ap lengri platsa mukom an tumare naka te djal. Ninna palle wan tumer gar pale pash mande, penell o baro Dewel.

Ezekiel 39:11

An ko diwes dau i platsa an o them Israel, kai well o Gog paskedo. Koja hi koi tala, hoi kharell Abarim, un hi pash o baro pani ap koi rig, kai o kham pre djala. Kote well job peskre bud lurdentsa paskedo. Doleske nai djan kolla, kai ap i raisa hi, buder gar wergel. Koi tala well kharedo Tala Hamon Gog.

Ezekiel 38:22

Un me dau les peskri phagi: I pharo nasslepen un marepen well ap leste. Un sorelo brishin, brishineskre barra, un jag un shwefla mukau ap lende tele te well, ap leste un ap leskre lurdende, un ap kol bud lurdende dran wawar themma, kai leha djan.

Ezekiel 35:6

Doleske dau man sowel pash miro djipen, me o baro Dewel, tumaro rai: Tu lal rateskri doosh ap tute, doleske wess tu ninna maredo. Me mukau tut te marell, un tu nai nasheh tuke gar.

Ezekiel 14:19

Te bitchroms i pharo nasslepen an ko them, un mukoms an miri tati choli menshen un viechen te merell,

Jeremia 22:19

Job well gar paskedo, job well krik tserdedo har i muli burika, un win witsedo glan i wudja o forestar Jerusalem.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Jesaja 66:24

Un jon djan win, te dikenn le penge kol mule menshen an, kai mantsa phagan. Kolengro kirmo merell gar, un lengri jag djal gar win. Un jon hi tchadepaske halauterenge, kai dikenn le.

Jeremia 25:33

Ap ko diwes marell o baro Dewel menshen ap i tseli phub jek rigjatar ap i wawar. Un i mule menshe hi koi tchiddo, un kek rowell pral lende, hadell len pre un paskrell len. Jon atchenn tchiddo har ful ap i phub.

Ezekiel 32:4

Un me witsrau tut ap i phub, un mukau tut kote tchiddo ap o them. Un krau, te beshenn pen i tsele tchirkle ap tute tele. Un i tsele diwje viechen krau tchalo tiro masseha.