Jesaja 32:12 - O Debleskro Drom 2021 (Sinte)

¹² Te dikenn tumer, hoi was dran i latchi phub un dran i shukar drakengre ruka, denn tumare wasta khetne pral o shero un rowenn!

O Debleskro Lab 2024 (Sinte-Manouche)

¹² Te dikenn t'mer, hoy vas dran i lači phoub oun dran i shoukar drakengre rouka, denn t'mare vasta khetne pral o shero oun rovenn!

Jesaja 32:12 Referans Kwoze

Nahum 2:7

Kol wudja pash i panja wenn pre kerdo. Un i daar taprell halauteren an o baro rajeskro kheer.

Ezekiel 20:15

Me hadom miro wast pre, un dom man sowel, te anau len gar an ko them, hoi lenge win rodom, ko them, an koleste budeder har doha thud un gwin hi, un hoi shukeder hi har i tsele wawar themma.

Ezekiel 20:6

Me dau man sowel, te anap tumen win dran o them Egiptia un anau tumen an i them, koles me tumenge win rodom. Kowa hi i them, kai budeder har doha thud un gwin hi. Kau them hi shukeder har i tsele wawar themma.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Jesaja 32:13

Ap i hachetikri phub mire menshendar wenn subjengre burra un subjengro senlepen baro. Rowenn ninna trul i khera, kai pherdo sapen his an ko bachtelo foro.

Jesaja 24:1

I diwes wella, kai lell o baro Dewel o djipen i phubjatar krik. Un i phub well i mulo them. Un kowa, hoi ap late tardo hi, witsrell lo trujel. Un i menshe wenn kate te kote tradedo:

Jesaja 24:7

I drakengro ruk merell, un newi mool dell gar. Kolenge, kai i bachtelo dji his, hi kanna ropaske.

Joel 1:7

Tchi hi buder ap mare drakengre ruka, kek patria hi buder ap mare faigetikre ruka. Ninna lengro kasht hi nango un parno, lauter hoi ap lende his, chan le tele.