Jesaja 30:7 - O Debleskro Drom 2021 (Sinte)

⁷ Kowa lauter hi tchitcheske. Hoi i Egiptarja nai krenn, hi tchi moldo. Doleske penau ap o them Egiptia: Tu hal i Rahab, kai atchell beshdo un krell tchi.

O Debleskro Lab 2024 (Sinte-Manouche)

⁷ Kova lauter hi čičeske. Hoy i Egiptarya nay krenn, hi či moldo. Doleske penau ap o them Egiptia: Tou hal i Rahab, kay ačell beshdo oun krell či.

Jesaja 30:7 Referans Kwoze

Jesaja 2:22

Mukenn tele i menshendar! Lengro djipen hi jaake tikno har i ducho. Hoi hi le moldo?

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

Jeremia 37:7

Kowa penell o baro Dewel, kai o Israeleskro Dewel hi: Pen o baro rajeske dran o them Juda, kowa kai bitchras tumen pash mande, te putchenn man: Kol lurde o Faraestar, kai djan win dran pengro them, te wenn le ap tumari rig, kolla djan pale khere an o them Egiptia.

Jesaja 51:9

Baro Dewel, ste pre, ste pre! Sike tiri soor! Ste pre har an kol phure tsirja, har mare phurenge ap i rig wal. Hals gar tu kowa, kai o baro panjeskro sap, i Rahab, an kotja das?

Jesaja 30:15

Doleske penell o baro Dewel, maro rai – job, kai kokres o Israeleskro Dewel hi: Te mukenn tumaro drom, wenn pash mande, un dikenn ap kowa, hoi me tumenge krau, palle wenn win lino dran o kurepen. Te rikrenn tumen pale, un rikrenn tumen ap mande, palle wenn sorelo. Kowa kamenn tumer gar te krell.

Jesaja 28:12

Kowa rakras job, kai glan rah tsiro ap lende penas: “Kate hi o them, kai nai lenn newi soor. Mukenn kolen pen tele te tchiwell, kai jaake tele maredo wan. Kate nai tchiwenn le pen tele.” Jon kaman gar te shunell.

Hiob 9:13

O Dewel rikrell peskri choli gar pale, un was sorleder har kolla, kai wan o baro panjeskro sapeske Rahab ap i rig.

Debleskri gili 87:4

Mank kolende, kai man prindjrenna, hi i menshe dran i themma Egiptia un Babilonia, ninna i Filistarja un i menshe dran Tirus, ninna kolla dran o them Etiopia, kai kate boldo hi.

Debleskri gili 89:10

Tu hal o rai pral o baro diwjo pani. Job te hadell pes, kreh tu, te djal lo tele.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jesaja 20:6

Palle penenn kolla, kai pash o baro pani djiwenn: Hi kolla kal menshe, pash kolende nasham, te lenn le men win dran i wasta o baro rajestar pral Assur? Koon nai lell men kanna gomme koi win?

Jesaja 30:5

Kol menshe kote nai wenn tumenge gar ap i rig. Tchi nai krenn le, hoi tumenge moldo hi. Lendar hi tumen tchi. Kokres ladj un praassepen anenn le ap tumende.

Jesaja 36:9

Har kameh tu jek kol tikneder lurdendar miro rajestar pale te tradell. Tu rikreh tut kokres ap i Egiptarja un patseh, te bitchrenn le tuke kurepangre wurdja un klissepangre.

Gosewe laba 25:19

Te hi tut i kalo diwes un dikeh ap i maleste, te well lo ap tiri rig, un job hi kek mursh o labestar, palle hi kowa, har te dandals ap i tele phagedo dand, un har te nashals ap jek heri.