Jesaja 30:5 - O Debleskro Drom 2021 (Sinte)

⁵ Kol menshe kote nai wenn tumenge gar ap i rig. Tchi nai krenn le, hoi tumenge moldo hi. Lendar hi tumen tchi. Kokres ladj un praassepen anenn le ap tumende.

O Debleskro Lab 2024 (Sinte-Manouche)

⁵ Kol menshe kote nay venn t'menge gar ap i rig. Či nay krenn le, hoy t'menge moldo hi. Lendar hi t'men či. Kokres ladj oun praasepen anenn le ap t'mende.

Jesaja 30:5 Referans Kwoze

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Jesaja 30:7

Kowa lauter hi tchitcheske. Hoi i Egiptarja nai krenn, hi tchi moldo. Doleske penau ap o them Egiptia: Tu hal i Rahab, kai atchell beshdo un krell tchi.

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jesaja 36:6

Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia, lauterenge, kai leske patsenna.