Jesaja 27:4 - O Debleskro Drom 2021 (Sinte)

⁴ Me hom buder gar chojedo ap leste. Te hatsoms subjengre burra un subjengro senlepen dren, djoms ap lende un chatchroms len halauter pre.

O Debleskro Lab 2024 (Sinte-Manouche)

⁴ Me hom bouder gar rhoyedo ap leste. Te hatsoms soubyengre bourra oun soubyengro zenlepen dren, djoms ap lende oun rhačroms len halauter pre.

Jesaja 27:4 Referans Kwoze

Hebrearja 6:8

Job dikell gar latches ap koleste, te hi lo har koi wawar phub, hoi anell subjengre burra, un wawar djungele burra win. Koi phub hi tchi moldo, un pal i tsiro well li chatchedo.

Jesaja 10:17

Un ko Dewel, kai o Israeleskri momeli hi, well i jag, awa, lengro Dewel well i jagakri tchip, un chatchrell i subjengre burra un o subjengro senlepen pre ap jek diwes.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

Debleskri gili 85:3

Tu lal o tchilatchepen, hoi tire menshe kran, lendar krik! Lengri tseli doosh bistral tu.

2. Samuel 23:6

Kol menshe, kai tchi molenna, hi har subjengre patria, kai o ducho krik phurdas, un kai nai taprell kek i wastentsa.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

Ezekiel 16:63

Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 9:18

I choli o baro Deblestar, ko rajestar pral o bolepen un i phub, hi har i jag: O them chatchell, un i menshe chatchrenn ninna. Un kek rowas o wawareske, un hakeno dikas kokres ap peste.

Debleskri gili 103:9

Job tchingrell gar hako tsireske, un atchell gar hako tsireske chojedo.

Jesaja 33:12

Kol menshe an wawar themma wenn chatchedo, te atchell tchi har parni jagakri tchik. Har subjengre burra, hoi tele dino wan, wenn le chatchedo an i jag.

2. Samuel 23:7

Te kameh len te taprell, hunte well tut saster un i lengsto kasht an o wast, un hunte chatchess len pre, kote kai jon hi.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.