Jesaja 26:19 - O Debleskro Drom 2021 (Sinte)

¹⁹ Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

O Debleskro Lab 2024 (Sinte-Manouche)

¹⁹ Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 26:19 Referans Kwoze

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Mateo 27:52

I mulengre khera phagan pre. Un bud kolendar, kai ap o Debles patsan un meran, wan djido,

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Hosea 6:2

Pal dui diwessa dell lo men newo djipen, un ap o triinto diwes mukell lo men pale ap i pire tardo te well, te nai djiwas glan leste.

Debleskri gili 71:20

Tu mukal bud un bari daar ap mande te well. Un tu deh man pale newo djipen, un aneh man pale win dran o telstunepen i phubjatar.

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

Filiparja 3:21

Kanna ham menshe, kai hunte merenna. Job krell dran mende newe menshe, kai wenn jaake har job, un merah buder gar. Jaake sorelo hi lo. Les hi koi soor, te krell lo lauter, hoi job kamella.

Zakarie 8:12

Na-a, kanna nai witsrenn le djob an i phub kek darjah. I drakengre ruka hidjrenn drake, i phub anell senlepen win, un o bolepen dell brishin. Un kolenge, kai pral atchan kal menshendar, dau kowa lauter, te atchell kowa lenge.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

Hosea 14:5

Jaake penell o baro Dewel: Me anau mire menshen pale ap miro drom, kai le tele peran. Me kamau len o djijestar, un hom buder gar chojedo ap lende.

Filiparja 3:10

Kamoms te prindjrap tchi wawar har o Jesus Kristes un o Debleskri soor, kai kras les i mulendar djido. Un me lau duka ap mande, jaake har job duka ap peste las, te wap jaake har job bis ap o merepen,

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

5. Mose 33:28

Un jaake nai djiwell o Israel kek darjah kote. Kek kamell tchingepen o Jakobeskre tchawentsa. An lengro them well djob un mool baro. Un o bolepen dell doha brishin.

Bičepangre 24:15

Me patsau ninna har jon, kai kolla, kai meran, pale djido wenna: kol latche un kol tchilatche.

Jesaja 51:17

Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

5. Mose 33:13

Pral o kheer Josef penas lo: O baro Dewel hi latcho leske, un dell les doha brishin ap leskro them, un panja, hoi wenn dran i phub.

5. Mose 32:2

Kowa hoi me tumen sikrau, hi har o brishin ap o senlepen. un miro rakepen har i sapeno ducho ap o khass.

Mateo 27:58

Job djas pash o Pilateste un mangas les, te dell lo les o mulo Jesuses. Un o Pilato penas i lurdenge, te denn le les leste.

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

Hiob 29:19

Me homs har i ruk, koleskre draba djan bis pash o pani, un koleskre kashta wenn sapeno haki rat.

1. Samuel 2:6

O baro Dewel dell temerl, un job krell djido. Job anell tele pash i mulende un pale pre.

Debleskri gili 22:29

O baro Dewel hi o rai pral i tseli phub. Awa, o baro rai hi lo pral i tsele themma.

Jesaja 18:4

O baro Dewel penas ap mande: Fun pral dran miro kheer lau an i jak, hoi djala ap i phub, un atchau pokones har o tatepen mashkral o diwes, un har i sapeni wolka an o tato tsiro, kai o djob dren anlo well.

Hiob 14:8

Ninna te wenn leskre draba phuro an i phub, un o telstuno kotar merell tele an i tchik,

Debleskri gili 88:11

Kreh tu baro sorelo koowa ap i mulende? Stenn i mule pre un sharenn tut?