Jesaja 24:22 - O Debleskro Drom 2021 (Sinte)

²² Jon lauter wenn khetne lino un an i gruba witsedo, un an o stilepen dren pandlo, un pal bud diwessa well palle pral lende i phagi win rakedo.

O Debleskro Lab 2024 (Sinte-Manouche)

²² Yon lauter venn khetne lino oun an i grouba vitsedo, oun an o stilepen dren pandlo, oun pal boud divessa vell palle pral lende i phagi vin rakedo.

Jesaja 24:22 Referans Kwoze

Zakarie 9:11

Shunenn, penell o baro Dewel, me anau tumare pandlen win dran o stilepen, win dran o them, hoi hi har i brunna, kai kek pani dren hi. Kowa well jaake tchatcho har koi sowel, hoi tumentsa dren djom, un hoi rateha tchatcho was.

Jesaja 42:22

Hoi was dran leskre menshende? Lengro them hi wi-tchoredo un wi-randedo. Jon halauter hi tapedo, un pandlo an o stilepen. Randedo hi le, un kek hi koi, kai lell len win dran o pandepen. Tchoredo hi le, un kek hi koi, kai penell: De pale kai!

Ezekiel 38:8

Bud bersha djan gomme trujel bis te wenn tumer khetne gole dino o kurepaske. Pal i rah tsiro djas tu tire lurdentsa an i them, hoi pal i kurepen pale newes kerdo was, un koleskre menshe dran bud themma khetne anlo wan, te djiwenn le ap i berge an Israel. I rah tsiro his kau them wi-meredo. Kanna wan leskre menshe win anlo dran bud themma, un djiwenn kote kek darjah.

Jesaja 24:17

Pral tumende, kai ap i phub djiwenn, well bari traash. Tumer perenn an grube, un taprenn tumen an netse.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Jesaja 2:19

Ap ko diwes, kai o baro Dewel pre stell, te anell lo i traash pral i phub, khatrenn pen i menshe an i grotte, mank i bare barra un an i phub, i darjatar o baro Debleskri choljatar un glan leskro railo barepen.

Debleskro tsiro 20:2

Un job tapras ko baro lolo sap, kowa hi ko phuro sap, hoi kharella ninna Beng un Satan, un pandas les, un witsras les an o telstunepen, te atchell lo kote jek sero (1.000) bersh pandlo. Un o bolepaskro pandas i wudar tele, hoi anell an o telstunepen, jaake te krell kek o telstunepen pale pre. Un an ko sero bersh nai anell o beng i menshen buder gar o Debleskro dromestar tele. Pal ko tsiro hunte well lo i tikno tsiro win muklo.

Zakarie 9:12

Tumer pandle, awenn pale khere an ko sorelo foro, tumer, kai djinenn: Mer atchah gar hako tsireske pandle. Kau diwes penau tumenge: Me dau tumende dui kope jaake bud latchepen har kol duka, hoi hunte lan ap tumende.