Jesaja 24:10 - O Debleskro Drom 2021 (Sinte)

¹⁰ Tele phagedo un khetne stakedo hi o foro, hako kheer hi tele pandlo, te nai well kek dren.

O Debleskro Lab 2024 (Sinte-Manouche)

¹⁰ Tele phagedo oun khetne stakedo hi o foro, hako kheer hi tele pandlo, te nay vell kek dren.

Jesaja 24:10 Referans Kwoze

Debleskro tsiro 18:2

Un job das soreles un bares gole: “O foro peras khetne! O baro foro Babilon peras khetne! Kanna djiwenn kote i benga. Kote khatrenn pen kol tchirkle un wawar vieche, kai pale-tchiddo hi, un i menshe darenn lendar.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Louka 19:43

Ko bibachtelo diwes wella, kai lurde wenna dran i wawar themma. Jon tchiwenn bare barra trul tumaro foro, te wenn tumer buder gar win.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Micha 2:13

Lengro pralstuno krell lenge o drom pre un djal glan lende. Jaake phagenn le o foreskre wudja pre un djan win. Un lengro baro rai djal glan lende. Kowa hi o baro Dewel, kai hi lengro pralstuno.

Jeremia 52:7

Kote phagan i Babilonarja an o foro dren. Un an koi rati nashan i tsele kurepangre win dran o foro, un djan dran ko wudar mashkral kol dui massurja, ap o drom, hoi djal pash o rajeskri baar. Un i Babilonarja his trul o foro tchiddo. Har djan i kurepangre ko drom, hoi djal an o telstuno them, kai o pani Jordan nashell,

Jeremia 39:8

Kol lurde dran Babilonia chatchran o baro rajeskro kheer un kol tsele menshengre khera an o foro Jerusalem, un dan o foreskre massurja tele.

Jeremia 39:4

Har o Zedekja, ko rai pral o them Juda, un leskre lurde kowa dikan, nashan le penge rati dran o foro win, ap ko drom, hoi djal an o rajeskri baar. Kote his i wudar mashkral kol dui massurja. Dran ko wudar nashan le penge ap koi rig, kai o telstuno them o panjestar Jordan hi.

Jesaja 34:11

I ratsjakre tchirkle un i mulengre tchirkle djiwenn kote. Un massengre tchirkle un korake hi kote khere. Un o baro Dewel dell o themeske peskre rigja, mashkral lende atchell o them mulo un muklo.

Jesaja 32:14

An o rajeskro kheer well kek buder. Muklo well o foro, kai jaake bud menshe trujel nashenn. I sorele barrengre khera un o turmo, kai pral an o foro tardo hi, perenn khetne. Un mank lende djiwenn diwje burike i rah tsireske, un bakre un grumja chan kote.

Jesaja 27:10

I sorelo foro hi muklo. Kek djiwell buder an i shukar khera. O foro hi har i diwjo muklo them, kai i grumja chan un pen tele tchiwenn, un o senlepen ap i burra chan.

Jesaja 25:2

Tu kral o sorelo foro paash. Lestar atchas tchi pral har barra. Ko foro, kai i soreli massuri trul leste his, hi tchiddo an kotja. Kote, kai rajen dran wawar themma pengre shukar khera his, hi kek foro buder. Un kek nai tchiwell len pale pre.

Jesaja 24:12

An o foro hi kokres paash dine khera. Un leskre bare wudja hi an kotja dino.

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

2. Rajengro liil 25:4

Kote phagan i Babilonarja an o foro dren. Un an koi rati nashan i tsele kurepangre win dran ko wudar mashkral kol dui massurja, hoi hi pash o rajeskro baar, ninna te his i Babilonarja trul o foro tchiddo. Koi nashas o Zedekja peskre lurdentsa an o telstuno them, kai o pani Jordan nashell.

1. Mose 11:9

Doleske kharell ko foro Babel. Kote kras o baro Dewel, kai jek i wawareskro rakepen buder gar haiwella. Jaake kras job, te atchan le koi buder gar khetne un hunte djan dran jek them an i wawar pral i tseli phub.

Jesaja 32:19

Ninna te denn brishineskre barra o weesh paash, un o foro djal tele,

Jesaja 26:5

I pre-phurden witsrell lo ap i phub, Lengro foro phagell lo tele, bis te hi lo tchiddo an i tchik.