Jesaja 23:6 - O Debleskro Drom 2021 (Sinte)

⁶ Ulerenn wergel pash o them Tarsis! Rowenn un denn gole, tumer kai pash o baro pani djiwenn.

O Debleskro Lab 2024 (Sinte-Manouche)

⁶ Oulerenn vergel pash o them Tarsis! Rovenn oun denn gole, t'mer kay pash o baro pani djivenn.

Jesaja 23:6 Referans Kwoze

Jesaja 23:12

Un job penas ap i menshende an Sidon: Tumenge djal har i terni tchake, hoi sorjah an-tapedo was. Tumer giwenn un stenn buder gar i bachtjatar. Ninna te krenn tumen ap o drom un djan an o them Kittim, well tumen kote kek bacht.

Jesaja 23:10

Tumer menshe an o them Tarsis, kanna hunte tchiwenn tumenge djob an i phub an tumaro them, jaake har krenn i hache pash o pani Nil. Kek shiffe wenn buder pash tumende dran Tirus.

Jesaja 21:15

Jon nashenn penge glan o charo, awa, glan o wi-tserdedo charo, un glan ko bogo, hoi pral rikedo was. Glan ko pharo sorelo marepen nashan le penge.

Jesaja 16:7

O diwes well, kai rowenn le an o them Moab. Halauter rowenna. Lenge hi phares an o dji, te hi len buder kek drakengre merklia, hoi wan kerdo an o foro Kir-Heres. Dino an o dji denn jon gole i dukatar.

Jeremia 10:9

Jon hi kerdo menshendar, kai haiwenn mishto pengre wastentsa te budrell. Rupeno saster dran o them Tarsis un sonakai dran o foro Ufas tserdenn le pral kol figuren, un riwenn len an blaueto un lolo ripja.

Ezekiel 27:35

I daar taprell i tsele menshen, kai pash o baro pani djiwenn, un shunenn, hoi tuha djas. Un lengre rajenge atchenn i balla tardo i trashatar. Un lengre muja wenn parno.

Jona 1:3

Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.