Jesaja 23:10 - O Debleskro Drom 2021 (Sinte)

¹⁰ Tumer menshe an o them Tarsis, kanna hunte tchiwenn tumenge djob an i phub an tumaro them, jaake har krenn i hache pash o pani Nil. Kek shiffe wenn buder pash tumende dran Tirus.

O Debleskro Lab 2024 (Sinte-Manouche)

¹⁰ T'mer menshe an o them Tarsis, kanna hounte čivenn t'menge djob an i phoub an t'maro them, yaake har krenn i harhe pash o pani Nil. Kek shiffe venn bouder pash t'mende dran Tirus.

Jesaja 23:10 Referans Kwoze

Jesaja 23:14

Rowenn un denn gole, tumer mursha ap i shiffe dran o them Tarsis! O sorelo foro Tirus, ap koleste tumer rikran, hi khetne phagedo.

Debleskri gili 18:32

Jek kokres hi o Dewel. Kowa hi o baro Dewel. Jek kokres hi har i baro sorelo bar menge, kai nai khatrah men. Kowa hi maro Dewel.

Hiob 12:21

Bari ladj anell lo ap i an-dikle pralstunende. Un i sorelendar lell lo lengro kurepaskro koowa krik.

1. Samuel 28:20

Kowa das o Saul sawi dap, te peras lo ap i phub khetne. Un i bari daar tapras les pral kol laba, hoi o Samuel ap leste penas. Un har lo chas tchi o tselo diwes un i tseli rat, his les kek soor buder an peste.

Remarja 5:6

O Jesus Kristo meras menge, har djiwam gomme dur o Deblestar. Men kokres his kek soor, te was pash leste.

Haggai 2:22

Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.

Ropaskre gilja 1:6

O foro Zion nashras peskro tselo shukapen! Leskre pralstune hi har tserfe, kai hatsenn kek senlepen. Un wi-bokedo hi len kek soor, te nashenn le penge glan kolende, kai len palla lenn.

Jesaja 19:7

Ninna o senlepen pash o pani merell tele, un o djobeskro them, hoi pash leste tchiddo hi, well truk. Un i ducho hidjrell o djob krik un hi gar buder.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jesaja 23:11

O baro Dewel hadas peskro wast pral o baro pani win, un anas traash pral i tsele rajengre themma. Job penas soreles, te wenn i sorele barrengre khera an o them Kanaan paash dino.

Ezekiel 26:18

Kolla, kai djiwenn ap i tikne themma hoi an o baro pani tchiddo hi, trissenn kanna ap kau diwes, kai tu khetne peral. Har bango hi le i trashatar, kai tu tele djal!