Jesaja 22:1 - O Debleskro Drom 2021 (Sinte)

¹ Kate sikrell o Dewel, hoi pral i dikepaskri tala wella. Hoi djas tuha, Jerusalem? Hoske djan tumer lauter pral ap i khera?

O Debleskro Lab 2024 (Sinte-Manouche)

¹ Kate sikrell o Devel, hoy pral i dikepaskri tala vella. Hoy djas touha, Yerusalem? Hoske djan t'mer lauter pral ap i khera?

Jesaja 22:1 Referans Kwoze

Jeremia 21:13

Denn jak, penell o baro Dewel: Kanna wau me pral tumende, kai djiwenn pral i tala ap ko baro bar. Tumer penenn: Kek nai well pral mende. Kek nai well an maro kheer.

Debleskri gili 125:2

Jaake har i berge trul o foro Jerusalem hi, jaake hi o baro Dewel trul peskre menshende kanna un hako tsiro.

Jesaja 15:3

I menshe ap i dromma hi rido an gone. Un pral ap pengre khera un an o foro denn le lauter gole un rowenna.

Remarja 3:2

Awa, kowa hi lenge bud moldo. Jon lan o Debleskre laba an lengre wasta.

Micha 3:6

Doleske well pral tumende kali rati. Tumer dikenn buder kek dikepen. Kek lab o Deblestar well tumen. O kham djal tele tumenge, un o diwes hi tumenge har i rati.

Jeremia 48:38

Pral ap i khera an o tselo them Moab, un ap leskre tsele dromma denn le bares gole. O baro Dewel penell: Me phagom o them Moab an kotja har i khoro, hoi kek buder kamella.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Gosewe laba 29:18

Te hi kek Debleskro rakepen koi, palle wenn i menshe diwjo un bi-pandlo. Bachtelo hi kowa, kai shunell ap o Debleskre laba.

Debleskri gili 114:5

“Tu baro pani, hoi his tuha, te nashal tuke, un tuha, tu pani Jordan, te djal pale?

2. Rajengro liil 6:28

Hoi kameh mandar?” Joi penas: “Koi djuwel koi penas ap mande: ‘De tiro tchawes mende! Koles chah mer kai diwes. Taissar chah mer miro tchawes.’

2. Samuel 14:5

Penas o baro rai ap late: “Hoi hi?” Un joi penas: “Miro rai, miro rom hi mulo. Man his dui tchawe. Kolla tchingran pen, un kek his koi, kai djas koi mashkral. Jaake das ko jek peskro phrales khetne, te meras lo.

1. Samuel 11:5

An ko tsiro was o Saul peskre grumjentsa pale peskri budjatar ap peskro kotar phub, un putchas: “Hoi hi i menshenge, te rowenn le jaake?” Un jon penan leske i laba, hoi i mursha dran Jabesh lenge penan.

1. Samuel 3:1

An ko tsiro, har budras o terno Samuel o baro Debleske tel o rashajeste, o Eli, rakras o baro Dewel gar bud kope ap jekeste. His witar gar bud kope, kai dikas jek i Debleskro dikepen.

Čačepangre 18:23

un dan pal lende gole. Un kolla rissran pen trujel, un penan ap o Micha: “Hoi hi tuha, te lal men kal tsele murshentsa palla?”

5. Mose 22:8

Te kreh tu tuke i newo kheer, pale tchiwess i rikepen trul i dacha, te perell kek tele un tut hi doosh ap leskro merepen.

1. Mose 21:17

Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.

Mateo 10:27

Kowa, hoi me tumenge tchorchanes penau, kowa penenn i menshenge jaake, te shunell les hakeno! Un kowa, hoi tumenge an o kand penlo wella, kowa penenn i tsele menshenge!

Jesaja 22:5

O baro Dewel, o rai pral o bolepen un i phub, rodas i diwes win, kai an i dikepaskri tala bud menshe bares gole denn, kai lurde lauter khetne stakrenn, un i menshe narwelo i darjatar wenn. I massurja wenn tele phagedo. Un i gole djal pre ap i berga.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Jeremia 32:29

Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

Jeremia 32:32

Kowa hunte krap dran ko tselo tchilatchepen, hoi i menshe dran Israel un Juda kran, te choirenn le man. Jon, lengre bare raja, pralstune, rashaja un rakepangre, ninna kolla, kai djiwenn an o foro Jerusalem,

Zefanja 1:5

Me marau lauteren, kai pral ap pengre khera i bolepangre momlia an-mangenn. Ninna kolen marau, kai witsrenn pen tele glan mande, un denn pen sowel ap mande, un ap i wawar rig denn le pen sowel ap ko mulo debleste, kai kharell Milkom.