Jesaja 21:4 - O Debleskro Drom 2021 (Sinte)

⁴ Me hom nasselo an o shero, i daar mukell man te trissell. Dikom ap i rati, te djal mange feteder. Har i rati was, djas mange gomme djungleder.

O Debleskro Lab 2024 (Sinte-Manouche)

⁴ Me hom nasselo an o shero, i daar moukell man te trissell. Dikom ap i rati, te djal mange feteder. Har i rati vas, djas mange gomme djoungleder.

Jesaja 21:4 Referans Kwoze

Nahum 1:10

Tumer han tchi har subjengre kashta, hoi tchi-moldo hi, un hoi an i jag witsedo wenn, un pre-chatchenn har truk phuss, te atchell tchi lendar pral.

Daniel 5:5

Ap jek kopo wan gushte diklo har i menshengro wastestar. Un kolla tchinan laba ap i parni massuri, hoi wergel i momelengri hi an o rajeskro kheer. Un o baro rai dikas ko wast, hoi kote tchinell.

Daniel 5:1

Un o baro rai Belsazar kras i baro chapen peskre jek-sero (1.000) bareder murshenge. Khetne lentsa pijas lo mool.

Jeremia 51:57

O baro Dewel penell: Me krau len mato, kol pralstunen an Babilon, kol gosewe murshen, themeskre rajen, pralstune lurden, un kol wawar lurden an Babilon, te perenn le an i sopen, kolestar jon buder gar pre stenn. Kowa penell o baro rai, koleskro lab hi: baro Dewel, ko rai pral o bolepen un i phub.

Jeremia 51:39

Len hi bari bok – un me krau lenge i chapen, un krau, te pijenn le pen mates, un lenge hi halauter sapaske. Palle sowenn le dren hako tsireske, un stenn buder gar pre. Kowa penell o baro Dewel.

Ester 5:12

Un o Haman penas: “Un pash kowa lauter kamas i rani Ester, te well kek wawar pash o chapen pashel, hoi joi o baro rajeske kras, har man kokres. Un ninna taissar kamell li, te wap me o baro rajeha pash late te chal.

5. Mose 28:67

Tumen well sawi daar, un tumare jaka hunte dikenn sawo djungelo koowa, kai penenn taissarlakro: Kamaus, te wals rati! Un rati penenn tumer: Kamaus te wals tsalla!

Daniel 5:30

An kai rat was o Belsazar, ko baro rai pral o them Babilonia, maredo.

5. Mose 32:11

Job his har i adlari, kai peskre ternen win anell dran lengri nesta, un pral lende djal. Te wenn le khino, djal lo tel lende, krell peskre mussja buchles pre, un hidjrell len ap peskre mussja.

Debleskri gili 55:5

Miro dji kamell i trashatar tardo te atchell. Un me darau, te hunte merap.

1. Rajengro liil 1:49

Kate was i bari traash pral halauterende, kai pash o Adonija beshdo his. Un halauter stan pre, un hakeno djas peskro drom.

Debleskri gili 55:6

I daar tapras man jaake, te trissau, un o shil tchiwas pes ap mande.

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.