Jesaja 21:12 - O Debleskro Drom 2021 (Sinte)

¹² Me penau: “Ninna te well o diwes sik, kanna hi gomme rat! Te kamenn i wawar kopo te putchell, palle awenn pale!”

O Debleskro Lab 2024 (Sinte-Manouche)

¹² Me penau: “Ninna te vell o dives sik, kanna hi gomme rat! Te kamenn i vavar kopo te poučell, palle avenn pale!”

Jesaja 21:12 Referans Kwoze

Ezekiel 7:12

Ko tsiro was, ko diwes hi koi! O ginepaskro nai sal gar buder. Un kowa, kai hunte bikrell tchomone, hunte rowell gar koi pral. O baro Debleskri choli well pral kal tsele menshende.

Ezekiel 7:10

Dikenn ko diwes! Dikenn, hoi wella! I bibacht hi glan o wudar. O tchilatchepen was bud un budeder. Un o pre-phurdepen hi baro.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jesaja 17:14

Ap i rati krenn le i menshen bari traash. Un glan o newo diwes wella, hi le gar buder koi. Jaake djal kolenge, kai kamenn men win te randell. un kamenn menge kowa te tchorell, hoi menge hi.

Jeremia 50:27

Marenn i tsele terne murshen, denn len tele tchurje har terne gurma! Har djungeles djal lenge! Lengro diwes was, ko tsiro, kai lenn le pengri phagi!

Jesaja 21:11

Kate sikrell o Dewel, hoi pral o them Edom wella. Dran o them Seir denn le ap mande gole un putchenn: “Tu, kai jak deh, har dur hi an i rat? Kaana hi i rat trujel?”

Jesaja 21:13

Kate sikrell o Dewel, hoi pral o them Arabia wella. Tumer mursha dran o foro Dedan, atchenn tumare khamelentsa win an o diwjo them! Atchenn pral i rati mank i burra!

Obadja 1:1

Kowa hi, hoi o Obadja dikas. Kawa penell o baro Dewel, maro rai, pral o them Edom: O baro Dewel bitchras peskro bitchepaskres pash i menshende an wawar themma. Un mer shunam, har job penas: Stenn pre! Mer djas an o kurepen un kuras men i menshentsa an o them Edom!

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?