Jesaja 21:10 - O Debleskro Drom 2021 (Sinte)

¹⁰ Mire menshe an Juda, tumer wan dino har djob ap i djobeskri platsa win dino well. Me penom tumenge, hoi shunom o baro Deblestar, ko rajestar pral o bolepen un i phub, kai ninna o Israeleskro Dewel hi.

O Debleskro Lab 2024 (Sinte-Manouche)

¹⁰ Mire menshe an Youda, t'mer van dino har djob ap i djobeskri platsa vin dino vell. Me penom t'menge, hoy shounom o baro Deblestar, ko rayestar pral o bolepen oun i phoub, kay ninna o Israeleskro Devel hi.

Jesaja 21:10 Referans Kwoze

Jeremia 51:33

Kawa penell o baro Dewel, ko rai pral o bolepen un i phub, kai o Israeleskro Dewel hi: O foro Babilon hi har i djobeskri platsa, hoi well i pirentsa soreles stakedo, te denn le nai kote o djob win. Sik well o tsiro o foreske, kai well lo khetne stakedo.

Micha 4:13

Jerusalem, ste pre un de len khetne, penell o baro Dewel. Me krau tut jaake sorelo har i gurum, koles sasterne shinga un sasterne pire hi. Mare len khetne, kol menshen dran bud themma! Un an lengro brawlepen an miro kheer, un halauter hoi len hi, an glan mande! Me hom o rai pral i tseli phub.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

2. Rajengro liil 13:7

Jaake atchan o rajeske Joahas kek lurde pral, har kokres 50 (paash-sheel) klissepangre, deesh kurepangre wurdja un 10.000 (deesh-serja) pirengre lurde; Kol tsele wawar maras o baro rai pral o them Syria un kras, te wan le har i phubjakri tchik ap o drom.

Habakuk 3:12

I choljah stakral tu ap i phub, an tiri choli dal tu i menshen an wawar themma.

1. Rajengro liil 22:14

O Micha penas: “Pash o djido Debleste dau me man sowel: Me rakrau kokres kol laba, hoi o baro Dewel mange penell!”

Ezekiel 40:4

Un ko mursh penas ap mande: Tu, mensho, dik un shun mishto, un de jak ap halauter, hoi sikrau tut. Doleske wal tu kate anlo, te sikrap kowa tuke. Halauter, hoi kate dikal, pen i menshenge dran o kheer Israel!

Jesaja 28:28

Well o djob jaake win dino, te djal lo paash? Na-a, kowa well i tikno tsiro dino. Un te ulerell o hacho peskre grajentsa koi pral, krell lo kowa gar jaake rah, te atchell tchi pral.

Jeremia 23:28

Te dell i rakepaskro suni, mu penell lo peskri suni! Kowa, kai lell i lab mandar, kowa te penell ko lab mishto dureder! Me, o baro Dewel penau tumenge: O phuss un o djob hi gar o emligo koowa. Jaake hi witar gar emligo ko rakepen, hoi kol chochene rakepangre rakrenna, un o rakepen, hoi mandar wella.

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?