Jesaja 2:4 - O Debleskro Drom 2021 (Sinte)

⁴ Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

O Debleskro Lab 2024 (Sinte-Manouche)

⁴ Oun yob vell o čačepaskro ray, kay krell o čačepen vin mashkral i menshende dran i vavar themma, oun penell lenge, te moukenn le pengro čingepen. Oun kolla lenn palle pengre rhare oun vitsepaskre čourya, oun krenn lendar harhetikre koola, kolentsa boudrenn le nay an i phoub oun činenn i drakengre kashta tele. Oun palle kourenn pen i menshe dran yek them bouder gar i menshentsa dran i vavar them. Oun kek sikrell i vavaren bouder, har te marenn le pen.

Jesaja 2:4 Referans Kwoze

Micha 4:3

Job krell o tchingepen win mank bare natsjone, un rakrell o tchatchepen win pral budende an dur themma. Jon krenn dran lengre chare hachetikre koola, kolentsa witsrenn le i phub trujel. Un dran lengre witsepangre tchurja krenn le tchurja, kolentsa jon i drake tele tchinenn. An ko tsiro hi kek them o wawareha an o kurepen. Kek hunte sikrell len buder, har te kurenn le pen i chareha.

Hosea 2:18

Palle, penell o baro Dewel, kharell li man pale ‘miro rom’, un gar buder ‘miro Baal’.

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Jesaja 32:18

Palle djiwenn mire menshe an i them, kai kek kurepen hi, an khera, kai hunte well len kek daar, te krell jek lenge tchomone, un ap platse, kai nai atchenn le, un kek tradell len krik.

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

1. Samuel 2:10

Kolla, kai tchingrenn ap baro Debleste, wenn mulo dino. Dran o bolepen bitchrell o Dewel peskri choli pral lende. O baro Dewel dell i tseli phubjat peskri phagi. Job rodell koles win, kai baro rai well, un dell les bari soor.

Debleskri gili 82:8

Ste pre, maro Dewel un rake o tchatchepen win pral i tseli phub! Tire hi i menshe an i tsele themma.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.

Bičepangre 17:31

O Dewel djinell ko diwes, kai rakrell lo o tchatchepen win pral i tsele menshende, un job djal pal o tchatchepen. O Dewel rodas i murshes win, te well job tchatchepaskro rai. Koles kras job i mulendar djido. Jaake sikras o Dewel hakeneste, kai job kau murshes win rodas.”

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Debleskri gili 110:6

un job o tchatchepen win rakrella, un an hake themma bud menshen i phagi della. Palle hi bud menshe mulo tchiddo ap o buchlo them. Bud pralstune wenn khetne dino.

Debleskri gili 96:13

glan o baro Debleste. Job wella. Awa, job wella, un anell o tchatchepen ap i phub. Job rakrell o tchatchepen win pral i menshende an hake themma. Un hi lengro tchatchepaskro rai, kai djal pal o tchatchepen.

Jesaja 32:17

Un kote, kai o tchatchepen khere hi, un i menshe pal o Debleskre tchatchepaskre laba djiwenn, kote hi kek kurepen un kek tchingepen. Un kekes hunte well daar. Jaake atchell kowa hako tsireske.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Jesaja 42:3

I an-phagedo shilftikro khass, phagell lo gar tele, un i momeli hoi gomme i tikni jagah chatchell, koja krell lo gar win. Tchatchepah, job krell, te lell hakeno peskro tchatchepen.

Hosea 2:20

An ko tsiro krau i diwje viechentsa, i tchirklentsa un i sapentsa win, te krenn le lake kek tchilatchepen. Me phagau o tselo kurepaskro koowa paash, i boge un i chare an o them. Un mukau len kek darjah kote te djiwell.