Jesaja 19:21 - O Debleskro Drom 2021 (Sinte)

²¹ Un o baro Dewel sikrell pes palle i Egiptarende, un jon prindjrenn les un mangenn les an, un anenn leske viechen un chapen, hoi well leske chatchedo. Un denn pen glan leste sowel, te denn le les tchomone, un rikrenn koi sowel ninna.

O Debleskro Lab 2024 (Sinte-Manouche)

²¹ Oun o baro Devel sikrell pes palle i Egiptarende, oun yon prindjrenn les oun mangenn les an, oun anenn leske firhen oun rhapen, hoy vell leske rhačedo. Oun denn pen glan leste sovel, te denn le les čomone, oun rikrenn koy sovel ninna.

Jesaja 19:21 Referans Kwoze

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Jesaja 11:9

Ap o Debleskri berga Zion krell buder kek tchilatcho koowa, witar gar dukrell jek i wawares. Jaake har o baro pani pherdo pani hi, jaake well i tseli phub pherde menshe, kai prindjrenn o baro Debles.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Zefanja 3:10

Ninna dran o dur them Etiopia wenn mire menshe, kai kate te kote tradedo wan, te mangenn le man an, un anenn mange kutch koowa.

Habakuk 2:14

Jaake har o baro pani pherdo pani hi, well i tseli phub pherde menshe, kai djinenn, har railo o baro Dewel hi.

Jona 1:16

Kote lan i mursha bari traash glan o baro Debleste. Un jon chatchran leske i vieches, te parkrenn le pen pash leste, jaake har jon pen sowel dan.

Jesaja 56:7

kolen anau pash miri berga, kai me djiwau, un krau len bachteles an miro kheer, kai mangenn man i menshe an. Jon nai anenn mange viechen: sawe, hoi wenn mange chatchedo ap miri chatchepaskri, ninna sawe, hoi chan le glan mande. Un me dikau latches ap kowa. Miro kheer well kharedo: Kheer, kai i menshe dran hake themma o Debles an-mangenn.

Jesaja 55:5

Ninna tumer denn menshen pash mande gole, kolen gar prindjrenn. Un sawe, kai prindjrenn tumen gar, wenn pash tumende naashedo, te dikenn le, hoi me, tumaro baro Dewel, tumenge krom. Me, o tchatcho Dewel pral o Israel, krau tumen baro un railo.

Jesaja 44:5

Jek pal o wawar penell: O baro Dewel hi miro rai. Bud kamenn tire menshe te well. Jon tchinenn ap pengro wast: ‘Me hom o baro Debleske’, un kharenn pen ‘Debleskre menshe’.

Jesaja 37:20

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

Sikepaskro 5:4

Feteder hi, te deh tut gar sowel, har te deh tut sowel un rikreh gar, hoi penal.

Debleskri gili 67:2

Dewel, kre tiro dji menge pre, un tchip tiri bacht ap mende! Dik tu latches ap mende!

1. Rajengro liil 8:43

palle shun tu, kai djiweh an bolepen, un kre halauter, hoi ko wi-themari tutar mangell, te nai haiwenn i menshe an i tsele themma ap kai phub, koon tu hal, un mangenn tut an, jaake har tire menshe Israel. Palle djinenn le, kai tu djiweh an kau kheer, hoi tuke krom.

1. Samuel 17:46

Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.

Debleskri gili 61:8

Job te atchell o baro rai glan tute, miro Dewel, hako tsiro! De tu an tiro latchepen un tchatchepen jak ap leste!

Debleskri gili 68:31

de ko themes Egiptia trad, ko diwjo vieches pash o pani. Tchinge kol sorelentsa un rajentsa pral bud menshende! Tchip tut kolenge an o drom, kai pal o rup nashenna. Trade kol natsjone, kolenge o marepen shukar hi.

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

Jesaja 45:14

Kawa penell o baro Dewel: O brawlepen dran o them Egiptia, un kowa, hoi i menshe dran Etiopia dren lan, well pash tute, te well lo tiro. Un kol bare sorele mursha dran Seba wenn tire budepangre. Pandles shellentsa wenn le pash tute, un witsrenn pen glan tute ap i phub, un penenn: Kokres pash tute hi o Dewel, un dell kek wawar dewel.

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jesaja 60:7

I tsele bakre dran Kedar un Nebajot wenn anlo pash tute, te wenn le maredo un chatchedo o baro Debleske, te dikell lo latches ap tute. Un jaake krell o baro Dewel peskro railo kheer gomme shukeder.

Jesaja 66:23

Un hako tchon, ap ko diwes, kai well o newo tchon diklo, un hako kurko ap o Debleskro diwes, wenna menshe dran hake themma glan mande, te witsrenn le pen glan mande tele, penell o baro Dewel.

Debleskri gili 68:32

Dran o them Egiptia wenn bitchepangre pash tute, un kolla dran o them Etiopia hadenn pengre wasta pre pash o Debleste.