Jesaja 19:11 - O Debleskro Drom 2021 (Sinte)

¹¹ I pralstune dran o foro Zoan hi dinele, i gosewe rakepangre o baro rajestar Farao penan leske narwelo koowa. Har nai penenn le leske: Mer ham i tchawe gosewe murshendar, mare phure his bare raja an o phuro tsiro?

O Debleskro Lab 2024 (Sinte-Manouche)

¹¹ I pralstoune dran o foro Soan hi dinele, i goseve rakepangre o baro rayestar Farao penan leske narvelo koova. Har nay penenn le leske: Mer ham i čave goseve morshendar, mare phoure his bare raya an o phouro tsiro?

Jesaja 19:11 Referans Kwoze

4. Mose 13:22

Un jon djan an o them Negev, un wan bis pash o foro Hebron. Kote djiwas o Ahiman un o Sheshai un o Talmai, kolengro dad o Anak his. O foro Hebron was newo kerdo efta bersha glan o foro Zoan an o them Egiptia.

Bičepangre 7:22

Un gosewe Egiptarja sikran leste lauter, hoi jon djinan, jaake te was lo gosewo an lauter, hoi job rakras un kras.

Jesaja 30:4

Tumare pralstune djan an o foro Zoan, un tumare bitchepangre wan an o foro Hanes.

Debleskri gili 78:43

Lenge was gar an o shero, har sikras lo peskri bari soor an o them Egiptia, un hawo baro koowa job kras pash o foro Zoan.

Debleskri gili 78:12

Glan lengre phurende kras job baro sorelo koowa an o them Egiptia, pash o foro Zoan.

Ezekiel 30:14

Un me krau, te well ko kotar them, hoi kharell Patros, i mulo them. An o foro Zoan tchiwau jag, te chatchrell lo tele. Un i menshenge an o foro Theben dau lengri phagi.

Ezekiel 7:26

Bibacht pal bibacht well. Pale te pale shunenn le, hawo djungelo koowa was. Tchitcheske djan le pash o Debleskre rakepangre, un putchenn lendar, hoi o baro Dewel sikras len. Witar gar i rashaja nai penenn lenge, hoi te krenn le. Un i phureder djinenn kek drom win dran o merepen.

Jeremia 49:7

Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

Jeremia 10:21

Kol pralstune his dinele, un putchan gar pal o baro Debleste. Doleske his lauter tchitcheske, hoi jon kran. Un kolla, kai denn jon garda pre, hi buder gar khetne, un djan kate te kote.

Jeremia 10:14

Glan sau baro koowa hi hako mensho dineles koi tardo. Sawo koowa nai haiwell lo gar te krell. Kolla lauter, kai kran figure, te mangenn le len an, hunte ladjenna pen. Lengre figure hi kek tchatche debla, kek djipen hi an lende.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jesaja 19:13

I pralstune pral o foro Zoan wan dinele, un i pralstune pral o foro Memfis kran pen tchomone glan. I tsele pralstune an Egiptia anan i menshen ap i chocheno drom.

Jesaja 19:3

Palle djinenn i Egiptarja gar buder, hoi te krenn le. Un me krau, te djal lenge gar, hoi kamenn le te krell. Un palle djan le pash pengre chochene deblen, te putchenn le lendar, un pash kolende, kai i mulen putchenn, un pash i durkepangren un drawepangren.

Gosewe laba 30:2

Har i viecho hom, un menshengro goswepen hi man kek.

Debleskri gili 92:6

Baro Dewel, hawo baro koowa kral tu! Hi phares menge te haiwas, hoi tuke an o shero djal.

Debleskri gili 73:22

koi homs dinelo un haiwom tchi. Awa, dinleder har i viecho homs glan tute.

Debleskri gili 33:10

O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Hiob 12:17

Kol pralstune, hoi i rajenge penenn, hoi te krenn le, kolendar lell lo lengro goswepen krik, un krell i tchatchepangre rajen dinelo.

Jeremia 8:9

Kol gosewe witsran o Debleskro lab pal pende. Hawo goswepen atchell lenge? O diwes well, kai well ladj un daar pral lende. Jon wenn tapedo un pandles krik anlo.

Jeremia 46:17

Kharenn ko lab o Faraestar, ko rajestar pral o them Egiptia: ‘Baro Mujeskro, koleskro tsiro trujel hi’.

Ezekiel 28:17

Tiro shukapen kras tut pre-phurdo. Un har brawelo un railo wal, kral sawo koowa, hoi gar gosewo hi. Doleske witsrom tut ap i phub, un mukom i wawar bare rajen ap tute tele te dikell, te wess lenge sapaske.

Obadja 1:7

Tire tsele mala tradenn tut dran tiro them win! Kolen tu patsal, jon chochenn tut, un perenn tuke an o dumo. Kolla, kai tiro maro chan, phukrenn ap tute, un tu haiweh les gar.

2. Mose 8:4

Kote mukas o Farao o Moses un o Arones pash peste gole te dell un penas: “Mangenn o baro Debles, te lell lo i djambe mandar un mire menshendar krik! Palle mukau i Israelitarjen te djal, te nai denn le o baro Debleske viechen temerl.”

2. Mose 8:14

I durkepangre kaman kowa ninna pengri sorjah te krell. Un jon haiwan les gar. Un i matsille his ap i menshende un ap i viechende.

1. Rajengro liil 5:10

Leskro goswepen his bareder har ko tselo goswepen halauterendar khetne, kai djiwan an o them, kai o kham pre djal, un ninna har ko goswepen fun i Egiptarja.

Obadja 1:8

Me, o baro Dewel penau: An ko tsiro lau i gosewen an o them Edom krik. Un ap i berge Esau djinell buder kek, hoi te krell.