Jesaja 18:2 - O Debleskro Drom 2021 (Sinte)

² Kau them bitchrell peskre bitchepangren pral o baro pani. An tikne shiffe ulerenn le pral i panja. Tumer sik bitchepangre, djan pash kol menshende, kai hi baro un djeteha dren maklo, pash koi natsjona, kolendar i menshe darenna an hake themma, pash kolende, kai bari sorjah i wawarende khetne stakrenn, an kolengro them bare lengste panja nashenna.

O Debleskro Lab 2024 (Sinte-Manouche)

² Kava them bičrell peskre bičepangren pral o baro pani. An tikne shiffe oulerenn le pral i panya. T'mer sik bičepangre, djan pash kol menshende, kay hi baro oun djeteha dren maklo, pash koy natsyona, kolendar i menshe darenna an hake themma, pash kolende, kay bari zoryah i vavarende khetne stakrenn, an kolengro them bare lengste panya nashenna.

Jesaja 18:2 Referans Kwoze

Jesaja 18:7

An ko tsiro wenna kol mursha, kai jaake baro un djeteha dren maklo hi, dran koi natsjona, kolendar i menshe darenna an hake themma, kolla, kai bari sorjah i wawarende khetne stakrenn, un an kolengro them bare lengste panja nashenna. Jon wenna un anenn kutch koowa o baro Debleske, ko rajeske pral o bolepen un i phub. Kowa anenn le pash i berga Zion, kote kai job khere hi.

2. Familjakro liil 16:8

Bistral tu, har bud kurepangre wurdja un klissepangre i Kusharja un i Libjarja pash pende his? Un his gar jaake, te das len o baro Dewel an tiro wast, har rikral tut ap leste?

2. Familjakro liil 14:9

Un o Asa peskre lurdentsa was win glan leste, un jon lan i kurepangro tardepen dren an o telstuno them Zefata pash o foro Maresha.

Ezekiel 30:9

An kau tsiro bitchrau murshen win, kai djan ap i shiffe an o them Etiopia. Kolla, kai kote djiwenn, patsenn, te well lenge kek tchilatchepen. Te wenn mire bitchepangre un penenn lenge, har o themeske Egiptia djas, taprell len i bari daar. Te shunenn le, kai Egiptia paash hi, trissenn le i darjatar. Tchatchepah, kau diwes wella!

2. Mose 2:3

Har khatras li les nai buder gar, kras joi i tikni korba, makas i korba mit tchomone dren, kai djal kek pani dren, un tchiwas lakro ternepen koi dren, las koi korba, tchiwas les mank ko baro panjeskro khass pash o pani Nil.

Louka 10:19

Shunenn: Me dom tumen i soor pral o bengeskri tseli soor. Tumer stakrenna ap i sapa un ap i skorpione. Un kek nai dukrell tumen.

Hiob 9:26

Miro djipen nashell jaake sik dureder har i sik bero un har i baro tchirklo, hoi mukell pes tele te perell ap i tikno viecho, te taprell lo les.

Jeremia 49:14

O baro Dewel bitchras peskro bitchepaskres pash i menshende an wawar themma. Un me shunom, har job penas: Awenn khetne! Mer djas an o kurepen, un kuras men i menshentsa an o them Edom!

Obadja 1:1

Kowa hi, hoi o Obadja dikas. Kawa penell o baro Dewel, maro rai, pral o them Edom: O baro Dewel bitchras peskro bitchepaskres pash i menshende an wawar themma. Un mer shunam, har job penas: Stenn pre! Mer djas an o kurepen un kuras men i menshentsa an o them Edom!

Habakuk 1:7

Daar un traash krenn le. Jon krenn penge pengro tchatchepen, un krenn jaake har jon kamenn.