Jesaja 15:4 - O Debleskro Drom 2021 (Sinte)

⁴ I menshe an i forja Heshbon un Elale denn jaake bares gole, te wenn le shunlo an o foro Jahaz. Ninna i lurde dran Moab denn gole un trissenn.

O Debleskro Lab 2024 (Sinte-Manouche)

⁴ I menshe an i forya Heshbon oun Elale denn yaake bares gole, te venn le shounlo an o foro Yahaz. Ninna i lourde dran Moab denn gole oun trissenn.

Jesaja 15:4 Referans Kwoze

Jeremia 48:34

Kolla golja i menshendar dran o foro Heshbon wenn shunlo bis pash i forja Elale un Jahaz. Un koi gole dran o foro Zoar djal bis pash o foro Horonajim un o gab Eglat-Shelishija; Ninna kol panja pash Nimrim hidjrenn buder kek pani an pende.

Debleskro tsiro 9:6

Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jeremia 20:18

Hoske wom dran miro dakro per win, te dikap ropen un duka, un djiwap hako diwes an ladj?

Jeremia 8:3

Un lauter kolla, kai pral atchan kal tchilatche menshendar, kai djiwenn kote, kai me len tradom, lenge wals o merepen feteder har o djipen. Kowa penell o baro Dewel, ko rai pral o bolepen un i phub.

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

Čačepangre 11:20

Un o Sihon patsas gar, te kamell o Israel tchi wawares har wergel leskro them te djal. Un o Sihon las peskre tsele lurden khetne pash Jahaz, un maras pes i Israelentsa.

Josua 13:18

Jahaz, Kedemot, Mefaat,

5. Mose 2:32

Un o Sihon djas win dran o foro peskre tsele lurdentsa, te kurenn le pen mentsa pash o foro Jahaz.

4. Mose 21:23

O Sihon mukas i Israelitarjen gar an leskro them. Job las peskre tsele lurden khetne, un djas win an o mulo tato them, te kurell lo pes lentsa. Un har job pash o foro Jahaz was, djas lo pral lende un kuras pes lentsa.

4. Mose 11:15

Te kameh tu mantsa jaake te krell, palle ab mange latcho un de man mulo, te dikap gar miri bibacht.”

1. Mose 27:46

Un i Rebekka penas ap o Isaakeste: “Kol dui chalja, kol Hetarja, kolen o Esau romedineras, krenn mange miro djipen pharo. Te romedinerell ninna o Jakob i tchat dran kau them, i Hetaretsa, wals feteder, te merap.”

4. Mose 21:28

I jag was dran o foro Heshbon, dran o Sihoneskro foro was i jag. Koja chas o foro Ar an o them Moab, un kol berge pash o pani Arnon chas li pre.

Jeremia 48:21

I phagi was pral ko telstuno them, pral kol forja, kai kharenn: Holon, Jahaz, Mefaat,