Jesaja 12:4 - O Debleskro Drom 2021 (Sinte)

⁴ Un ap ko tsiro denn tumer gole: Parkrenn tumen pash o baro Debleste! Denn ap leste gole, te well lo ap tumari rig! Penenn i menshenge an i tsele themma, hoi lo kras. Penenn hakeneske te hi leskro lab bareder har hako wawar lab!

O Debleskro Lab 2024 (Sinte-Manouche)

⁴ Oun ap ko tsiro denn t'mer gole: Parkrenn t'men pash o baro Debleste! Denn ap leste gole, te vell lo ap t'mari rig! Penenn i menshenge an i tsele themma, hoy lo kras. Penenn hakeneske te hi leskro lab bareder har hako vavar lab!

Jesaja 12:4 Referans Kwoze

Debleskri gili 105:1

Parkrenn tumen pash o baro Debleste, un hadenn leskro lab! Penenn i menshenge an i wawar themma kowa, hoi job kras!

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

Jesaja 25:1

Baro Dewel, tu hal miro Dewel. Tut sharau, un tuke giwau. Tu kral baro koowa, hoi kek wawar nai krella. Hoi tu penal i glan rah tsiro, ap kowa rikral tut un kral kowa.

Johanni 17:26

Me sikrom lende, koon tu hal. Kowa krau me dureder, te well tiro kamlepen, hoi hi tut mange, ninna an lende. Jaake djiwau me an lende.”

Jeremia 50:2

Denn win gole an i wawar themma! Halauter hunte shunenn! Hadenn tumari themeskri plachta pre! Hakeno te shunell kowa! Rikrenn les gar pale! Penenn: O foro Babilon hi dren lino, Lengro dewel Bel nai kras tchi, lengro dewel Marduk hi khetne phagedo; lengre mule debla nai kran tchi, lengre figure hi pash kerdo!

Debleskri gili 57:5

Me hom tchiddo mank menshe, kai hi har lewe, kai kamenn man pre te chal. Lengre danda hi har tchurja un faile, un lengri tchip dell tchurje har i charo.

Debleskri gili 18:46

Len hi buder kek soor an pende. Darjah wenn le dran pengre sorele rajengre khera win.

Nehemia 9:5

Un i Levitarja, o Jeshua, un o Kadmijel, un o Bani, un o Hashabneja, un o Sherebja, un o Hodija, un o Shebanja, un o Petachja penan: Stenn pre! Sharenn o baro Debles! Job hi tumaro Dewel. Sharenn les kanna un hako tsireske! Baro Dewel, hakeno te sharell tiro railo lab! Kek wawar lab hi jaake baro un railo har tiro lab.

2. Mose 33:19

“Mishto”, penas o baro Dewel: “Me kamau glan tute te djal, te dikess tu miro tselo latchepen. Un miro lab ‘Baro Dewel’ rakrau me glan tute win. Me hom latcho koneske, kones me kamau. Un krau miro dji pre koneske me kamau.

2. Mose 15:2

Peskri sorjah was o baro Dewel ap miri rig. Miri giljah sharau les dran o dji. Job las man win. Miro Dewel hi lo, un me kamau les te sharell. Miro dadeskro Dewel hi lo, un me kamau les pre te hadell.

Jesaja 66:19

Un me tchiwau i sikepen pre mank lende. Un kolendar, kai djides atchan, bitchrau me pash i menshende an themma Tarsis, Put un Lud, Meshech, Rosh, Tubal, Jawan un pash kolende dur wergel o baro pani, kai mandar gomme tchi shunan, un miro railepen gomme gar dikan. Un mire bitchepangre penenn kol menshenge, har railo me hom.

Jesaja 33:5

Sharedo pral halauter hi o baro Dewel. Pral an o bolepen djiwell lo. Un ap i berga Zion krell job o tchatchepen win, te lell hakeno peskro tchatchepen.

Jesaja 24:15

Hadenn o baro Debles, tumer kai djiwenn kote, kai o kham pre djal! Un an i panjengre themma denn win gole: “Har railo hi o baro Dewel, kai o Israeleskro Dewel hi!”

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Debleskri gili 113:5

Koon an o bolepen un ap i phub hi jaake har maro baro Dewel?

Debleskri gili 107:22

Ninna hunte anenn le leske shukar koowa, te parkrenn le pen pash leste. Un i bachtelo djijeha hunte rakrenn le kolestar, hoi job lenge kras.

Debleskri gili 97:9

Tu, baro Dewel, hal o pralstuno pral i tseli phub. Tu hal bareder har i tsele debla.

Debleskri gili 96:3

Penenn kolenge, kai les gar prindjrenna, hawo railepen les hi. Penenn i menshenge an hake themma hawo baro koowa job kras.

Debleskri gili 73:28

Mange hi mishto, te rikrap man ap miro Debleste. Te wap pash tute, miro rai, baro Dewel, kowa hi miri bacht, te rakrap halauterestar, hoi tu kral.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Debleskri gili 40:5

Bachtelo hi ko mensho, kai rikrell pes ap o baro Debleste, un djal gar kolentsa, kai hi pre-phurde un chochene.

Debleskri gili 34:3

Kowa, hoi job lauter kras an miro djipen, kamau me te sharell. Mu shunenn kowa kolla, kai tele rikedo hi, un wenn bachtele!

Debleskri gili 22:31

Ninna kolla, kai bolde wenna, wenn leske koi. Un jon rakrenn ap pengre tchawende un tchawengre tchawende o baro Deblestar.

Debleskri gili 21:13

Tu leh tiro bogo un rikreh ap lende, un kreh, te rissrenn le pen trujel un nashenn penge.

Debleskri gili 9:11

Doleske rikrenn kolla ap tute, kai tiro lab prindjrenna. Koon tut, o baro Debles, rodella, koles mukeh tu gar kokres.

1. Familjakro liil 16:8

Parkrenn tumen pash o baro Debleste, un hadenn leskro lab! Penenn i menshenge an wawar themma kowa, hoi job kras!

Debleskri gili 148:13

Kolla lauter mu sharenn o baro Debleskro lab. Leskro lab hi bareder har i tsele wawar laba. Leskro railepen djal pral i phub un o bolepen.

Jesaja 26:8

Baro Dewel, mer dikah ap tute, te peness tu o tchatchepen win. Lauter an mende rodell tut, un kamell, te well tiro lab sharedo.

Jesaja 42:12

Tumer lauter, sharenn o baro Debles! Un kolenge an i panjeskre themma penenn, har baro job hi!

Jesaja 48:20

Djan win dran Babilon! Sik, nashenn dran o them Kaldea! Denn win gole i bachtjatar, un penenn kawa dureder, jaake te shunenn le kowa ap i tseli phub. Penenn: O baro Dewel las peskro budepaskres, o Jakobes, win dran o pandepen!

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Debleskri gili 68:5

Giwenn o Debleske! Bashrenn un hadenn leskro lab! Krenn leske i drom, koleske, kai ulerell ap o bolepen. ‘Baro Dewel’ hi leskro lab. Awenn bachtelo un giwenn glan leste!