Jesaja 12:1 - O Debleskro Drom 2021 (Sinte)

¹ I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

O Debleskro Lab 2024 (Sinte-Manouche)

¹ I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 12:1 Referans Kwoze

Debleskri gili 30:5

Bashrenn o baro Debleske, tumer, kai han leskro! Sharenn les, un bistrenn gar, te hi lo o Dewel.

Jesaja 25:1

Baro Dewel, tu hal miro Dewel. Tut sharau, un tuke giwau. Tu kral baro koowa, hoi kek wawar nai krella. Hoi tu penal i glan rah tsiro, ap kowa rikral tut un kral kowa.

Jesaja 54:8

Har miri choli pral keras, rissrom me man tutar tele i tikno tsireske. Miro latchepen tuke herell gar pre. Doleske krau miro dji tuke bares pre, penell o baro Dewel, kowa kai tut dran o pandepen win lell.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jesaja 14:3

Un an ko tsiro lell o baro Dewel i Israelitarjen win dran lengre duka un lengro ropen un lengri phari budi, hoi jon hunte kran.

Jesaja 49:13

De gole i bachtjatar, tu bolepen! Ab bachtelo, tu phub! Giwenn, tumer berge! O baro Dewel khossas i swa peskre menshendar tele, un kras peskro dji kolenge pre, kai tele rikedo wan.

Jesaja 25:9

Ap ko diwes penell hakeno: Dik, kowa hi maro Dewel! Ap koleste rikram men, te well lo ap mari rig. Job hi maro baro Dewel, ap koleste men rikram! Giwas i bachtjatar: Job las men win dran o merepen.

Remarja 11:15

Har jon ap i rig tchiddo wan, nai wan i wawar menshe ap i phub pash o Debleste. Jaake was dran i tchilatcho koowa i latcho koowa. Har bud shukeder well kowa, te wenn i bibolde pale pash o Debleste. Kowa hi jaake shukar, har te wans le mulo un palle djido.

Zakarie 14:20

An ko tsiro hi tchinlo ap i tikne bashepangre, hoi hi pandlo trul i grajengre menja: o baro Debleske! I pirja an o Debleskro kheer hi o Debleske jaake bud moldo har i bare tchare glan o Debleskri chatchepaskri.

Hosea 11:8

Har nai mukaus me tutar, Efrajim, har nai daus tut an o wast kolendar, kai marenn tut, Israel? Kraus me tuha, har krom kol forjentsa Adma un Zebojim? Na-a, kowa phagals miro dji! Tu khaiteh man jaake!

Jesaja 66:13

Awa, jaake har i dai peskro tchaweske i swa tele khossell, jaake krau me les tumentsa, un khossau tumare swa tele an o foro Jerusalem.

Jesaja 26:1

Ap ko diwes giwenn le kai gili an o them Juda: Men hi i sorelo foro. O Dewel tchiwas sorele massurja trul mende, te krell kek menge tchilatchepen.

Jesaja 11:16

Un palle dell i drom dran o them Assur win kolenge, kai leskre menshendar Israel kote djides atchan, jaake har i drom das peskre menshenge ap ko diwes, har djan jon dran o them Egiptia win.

Jesaja 10:25

An i tikno tsiro rissrau miri choli tumendar krik, un miri choli perell ap i menshende an o them Assur un anell lenge o merepen.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Hiob 13:16

Te wap me glan leste, sikrell kowa, te hi kek doosh ap mande. Kek dui djijentsa well glan leste.

Debleskri gili 9:1

I gili o rajeske pral i gipangre, te giwell har koi gili ‘Muth labben’. O David kras kai gili.

Debleskri gili 71:21

Tu kreh man an-diklo, un khosseh mire swa tele.

Jesaja 54:7

I tikno tsireske mukom tut. Kanna krau miro dji bares pre tuke un lau tut pale pash mande.

Jesaja 54:9

Me krau kanna har an ko tsiro, kai o Noah djiwas, kai dom me man sowel, te well gar buder jaake baro pani pral i phub. Kau diwes dau man sowel, te wap gar buder chojedo ap tute, un te tchingrap gar buder tuha.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jesaja 64:5

Kanna wam halauter glan tute har jek, kai pale-tchiddo hi. Ninna o tchatcho koowa, hoi kram, hi har i ratli baja ap mende. Mer halauter wam har mule patria. Mari doosh hidjrell men krik, har i ducho mule patria krik phurdell.

Jesaja 65:18

Giwenn un denn gole i bachtjatar hako tsiro pral kowa, hoi me krau! Me krau, te well Jerusalem i bachtelo foro, un i tsele menshe koi dren giwenn i bachtjatar.

Jeremia 30:19

Un i menshe, kai djiwenn kote, giwenn sharepaskre gilja, un denn gole i bachtjatar. Un me dau len bud tchawe, te wenn le budeder. Me krau len railes un bares un gar tikneder.

Zakarie 8:11

Kanna kamau buder gar jaake te krell kolentsa, kai pral atchan kal menshendar, har an kol phure diwessa.

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

Hiob 11:16

Tiri bibacht nai bistreh. Te well li tuke an tiro shero, hi li har pani hoi krik nashas.

Debleskri gili 85:4

Tu rikral tiri choli pale, un chatchral buder gar i choljatar.

Debleskri gili 86:17

Sike mande, te hal tu mantsa latches, baro Dewel! Palle hunte ladjenn pen kolla, kai kamenn mange tchilatchepen, te dikenn le, kai tu ap miri rig hal, un mire swa tele khosseh.

Jesaja 60:10

Un i wi-themarja tchiwenn tire massurja pale pre, un lengre bare raja wenn tuke pash o wast. An miri choli dom me tut, an miro latchepen lau tut pale pre.

Jeremia 31:13

I terne tcha giwenn un khelenn, awa, i terne un i phure hi khetne bachtelo; lengro ropastar well sapen. Lengre djia, kai rowan, krau pale sorelo un bachtelo.

Zakarie 1:16

Doleske penell o baro Dewel: “Me krau miro dji pale pre pral i menshende an o foro Jerusalem. Kote te well miro kheer pale pre tardo, un o foro pale newes kerdo.”