Biblia Todo Logo
Bib sou entènèt

- Piblisite -




Jesaja 10:26 - O Debleskro Drom 2021 (Sinte)

26 Palle dau len i tchupnijah, me, o baro Dewel, ko rai pral o bolepen un i phub, jaake har dom an o phuro tsiro i menshen dran o them Midian pash ko baro bar, hoi kharell Oreb. Un me hadau miro kasht jaake pral o baro pani, har krom an o them Egiptia.

Gade chapit la Kopi

O Debleskro Lab 2024 (Sinte-Manouche)

26 Palle dau len i čoupniyah, me, o baro Devel, ko ray pral o bolepen oun i phoub, yaake har dom an o phouro tsiro i menshen dran o them Midian pash ko baro bar, hoy kharell Oreb. Oun me hadau miro kasht yaake pral o baro pani, har krom an o them Egiptia.

Gade chapit la Kopi




Jesaja 10:26
21 Referans Kwoze  

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.


Un jon tapran dui murshen, kai pralstune his pral i Midianarja. Lengre laba his Oreb un Seeb. Un jon dan o Oreb temerl pash i baro bar. Kowa was pal leste kharedo: bar Oreb. Un o Seebes dan le temerl pash i moljakro stakepaskro. Koles dan le o lab Seeb. Un jon lan i Midianarja palla. Un i shere kol dujendar, o Oreb un o Seeb, anan le pash o Gideon wergel o pani Jordan.


Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.


Tu, hade tiro kasht pre un tiro wast pral o baro pani, te krell lo pes pre un djal ap dui rigja. Jaake te nai djan i Israelitarja mashkral o baro pani ap i drom, hoi gar sapenes hi.


Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.


I tsele natsjone choiran pen pral tute. Doleske was tiri choli pral lende. Kanna hi o tsiro kai, te well o tchatchepen wi-rakedo pral i mulende. Kanna was ko tsiro, te dess tiro brawlepen kolende, kai tuke budran, kai an tiro lab rakran, lauterende, kai tire menshe hi, un tut sharenna, un tutar darenna, i tikne har i bare. I tsiro hi ninna kai, te maress kolen, kai i menshen ap i phub maran.


Un palle dell i drom dran o them Assur win kolenge, kai leskre menshendar Israel kote djides atchan, jaake har i drom das peskre menshenge ap ko diwes, har djan jon dran o them Egiptia win.


Doleske penell o baro Dewel, ko rai pral o bolepen un i phub, ap peskre menshende, kai ap i berga Zion djiwenn: Ma darenn i lurdendar dran o them Assur, ninna te denn le tumen pengre kashtentsa un hadenn len pre, te denn le tumen trad, jaake har kowa i Egiptarja ninna kran.


Kolla wan mulo dino pash En-Dor, un atchan koi tchiddo, un wan tchik.


Hade tut! Ste pre, un de man miro tchatchepen! Le miro koowa an tiro wast, mo Dewel un mo rai!


I Assirja lenn bari traash, te shunenn le o baro Debleskro rakepen, un dikenn, te dell lo len peskro kashteha.


Tu kral, te hi le buder gar pandle budepangre, un phagal ko kasht, koleha jon ap i budi tradedo wan, jaake har ap ko diwes, kai lal i menshen win dran i wasta kol Midianendar.


Palle mukell o baro Dewel peskri bari soreli gole te shunell, un i menshe dikenna, har leskri mussi tele dell an i choli. Kote hi jag, hoi trul peste chal, un baro sorelo brishin, un i sorelo phurdepen un brishineskre barra.


Un pash haki dap, hoi o baro Dewel ko kashteha ap lende tele dell, dell bashepen ap i tikne pauke un harfe. Jaake dell lo len trad un kurell pes lentsa an o kurepen.


Swiv nou:

Piblisite


Piblisite