Jeremia 9:5 - O Debleskro Drom 2021 (Sinte)

⁵ Un mukenn gar tele, te rikrenn le i wawaren tele, un te chochenn le len. Man kamenn le gar te prindjrell, penell o baro Dewel.

O Debleskro Lab 2024 (Sinte-Manouche)

⁵ Oun moukenn gar tele, te rikrenn le i vavaren tele, oun te rhorhenn le len. Man kamenn le gar te prindjrell, penell o baro Devel.

Jeremia 9:5 Referans Kwoze

Habakuk 2:13

O baro Dewel, ko rai pral o bolepen un i phub, krell, te well jaake: Ko tselo koowa, kai budran pen i menshe dran wawar themma temerl, kowa well i jagatar tele chatchedo. Un koleske kol menshe pen tele maran, his tchitcheske.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Jesaja 57:10

Kowa lauter, hoi kral, kras tut khino. Un tu penal gar: “Mukau kanna kowa.” Na-a, tu hatsal newi soor un hals buder gar khino.

Hiob 15:5

Pal bud laba khatreh tiri doosh, un rakreh har i chocheno rakrell.

1. Timoteo 4:2

Kolla, kai anenn len o tchatcho dromestar tele, hi chochene, kai penenn pendar, te haiwenn le o tchatchepen. Un jon djinenn buder gar, hoi mishto un tchatcho hi. Ninna haiwenn le gar, hawo tchilatcho koowa jon krenna.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

Micha 6:3

Hoi krom tumenge, mire menshe? Tchiwom i phari budi ap tumende? Penenn les mange!

Ezekiel 24:12

Tchitcheske his koi tseli budi! Ninna te was koi piri an i jag jaake tato, djas lakri tchik gar tele!

Jeremia 9:8

Dap me sawe menshen kek phagi, penell o baro Dewel. Mukap me kal menshen jaake te djal, un krap lenge tchi?

Jeremia 9:3

Hakeno mu dell pes garda peskro malestar, un ninna peskro phralestar! Jek phraal dell kol wawar phrales pral i kanda. Un i maal rakrell djungeles pral o wawareste.

Jesaja 5:18

Djungelo djal i tchilatchenge, kai kamenn o chochepen. Jaake har i grai o wurdin tserdell, jaake tserdenn jon lengri doosh pal pende,

Gosewe laba 4:16

Kol menshe nai sowenn gar jaake rah bis te kran le tchomone tchilatcho. Lenge well o sopen randedo, te anan le gar jekes an i bibacht.

Debleskri gili 140:3

Kolen hi tchilatchepen an o dji, un krenn tchingepen hako diwes.

Debleskri gili 64:3

Kol tchilatche wenn khetne un rakrenn, har jon nai krenn mange tchilatchepen. Khate man, miro Dewel, glan lengri choli!

Debleskri gili 50:19

Dran tiro mui well praassepen win. Un tiri tchip rakrell chochepen.

Debleskri gili 7:14

Dik, peskro merepaskro charo un i faile, hoi chatchenna, hadas lo pre, te dell lo karje!

Hiob 11:3

Tiro tselo rakepen nai rikrell men gar pale, te kras mer maro mui pre. Te rikreh men dineleske, patseh, te tchingras gar tuha?

1. Mose 19:11

Palle kran le, te wenn kol tsele mursha korelo, kai glan o kheer tardo hi. Lauter, tikne un bare, dikan buder tchi. Jaake nashte hatsan jon buder gar o wudar.

Debleskri gili 52:3

Hoske shareh tu tut tiro tchilatchepah, tu, kai kameh te well tut penepaske pral halauter! O latchepen o Deblestar hi o tselo diwes kai.

Jeremia 7:28

Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.

Jeremia 12:6

Ninna tire phrala un i menshe dran tiro dadeskro kheer mukan tut te perell, un dan tchilatches gole pal tute har kol wawar. Dik tut glan lendar, ninna te rakrenn jon kamlo tuha.

Jeremia 12:13

Mire menshe tchiwan djob an i phub, un subjengro senlepen lan le khetne. Jon maran pen tele, un lan tchi dran lengri phari budi. Lauter his tchitcheske! His koi bari choli o baro Deblestar, hoi kras lauter paash.

Jeremia 13:23

Nai krell i kalo mensho peskri kali hauta wawartchandes? Na-a! Nai krell i diwji margodja peskre balla wawartchandes? Na-a! Jaake nai krenn tumer kek latchepen, ko tchilatchepen djas tumenge an o mass un o rat.

Jeremia 51:58

Kawa penell o baro Dewel, ko rai pral o bolepen un i phub: I massurja ko baro forestar Babilon wenn tele phagedo bis ap i phub, un o foreskre bare wudja wenn chatchedo. Palle hi koi budi tchitcheske kerdo, hoi menshe dran wawar themma kran. Koleske jon pen tele maran, kowa chatchrell pre.

Jeremia 51:64

un pen: “Jaake hunte djal o foro Babilon tele, un well buder gar pre dran koi bari bibacht, hoi o baro Dewel pral kau foro anell.” Palle hi ko foro buder gar koi. Kalla his o Jeremijeskre laba.

Maleachi 2:10

Men halauteren hi jek dad! O emligo Dewel kras men halauter! Hoske phukrell ko jek ap o wawareste, un rikrell pes gar ap kowa, hoi o baro Dewel mare phurentsa win kras?

Čačepangre 2:10

Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.

Gosewe laba 12:5

O Debleskre menshe kamenn o tchatchepen te krell. Tchilatche menshen hi tchi an o shero har chochepen.

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.