Jeremia 7:5 - O Debleskro Drom 2021 (Sinte)

⁵ Mukenn tumaro phuro drom un tumaro phuro djipen, un awenn latcho ap hakeneste!

O Debleskro Lab 2024 (Sinte-Manouche)

⁵ Moukenn t'maro phouro drom oun t'maro phouro djipen, oun avenn lačo ap hakeneste!

Jeremia 7:5 Referans Kwoze

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 7:3

Kowa penell o baro Dewel, ko rai pral o bolepen un i phub, – job hi o Israeleskro Dewel: Mukenn tumaro phuro drom un tumaro phuro djipen, palle mukau tumen an kau them te djiwell.

Jesaja 1:19

Kamenn tumer ap mande te shunell? Palle nai chan tumer o tselo latchepen, hoi o them win anell.

Ezekiel 18:17

Job rikrell peskro wast pale, te krell lo kek tchilatchepen. Te patsas lo lowe win, lell lo gar budeder lowe pale. Jaake djiwell lo pal miro tchatchepen un krell, hoi lestar kamau. Sawo mensho hunte merell gar. Job atchell djido, ninna te las leskro dad bud doosh ap peste.

Ezekiel 18:8

Te patsas lo lowe win, lell lo peske gar budeder lowe pale. Job rikrell peskro wast pale, te krell lo kek tchilatchepen. Un an i tchingepen dell lo jak, te lell hakeno peskro tchatchepen.

Jesaja 16:3

Pen menge, hoi hunte kras? Kre tchomone! Khate kolen, kai palla lino wenn! Rike tire mussja pral lende, jaake har i buchlo ruk, te well o diwes lenge har i rat, kai wenn le gar diklo. Ma phuke ap kolende, kai ap o naashepen hi!

Čačepangre 21:12

Un jon hatsan mank kolende, kai an o foro Jabesh an o them Gilead djiwan, 400 (star-sheel) tcha, kolen gomme kek mursh an-tapras. Un kolen anan le ap i platsa an o foro Shilo, hoi an o them Kanaan tchiddo hi.

Čačepangre 5:1

Ap ko tsiro giwas i Debora kai gili khetne o Barakeha, koleskro dad o Abinoam his.

3. Mose 25:17

Kek te dell o wawares pal o kand! Rikrenn tumenge tumaro Debles glan i jaka pash halauter, hoi krenn! Me, o baro Dewel, hom tumaro Dewel.

Jeremia 21:12

Tumer dran o Davideskri familja! Kowa penell o baro Dewel: Hako diwes, te rakrenn o tchatchepen win, denn jak, te lell hakeno peskro tchatchepen! Un lenn kolen, kai wan tele rikedo, dran kol tchilatchengre wasta win! Te krenn kowa gar, well miri choli pral tumende, har i jag, kai nai krell kek win. Tumer kran jaake bud tchilatchepen!

Jeremia 22:15

Jojakim, patseh tu, kau zedertikro kasht krell dran tute i baro rai? Tiro dad, o Josia, chas un pijas ninna latcho koowa! Un job rikras pes ap o Debleskro tchatchepen, un kras, hoi mishto un tchatcho his. Un doleske mukas leske o baro Dewel mishto te djal.

Jeremia 26:13

Kanna mukenn tumaro tchilatcho drom un o tchilatcho koowa, hoi krenna. Un shunenn ap tumaro baro Debleste! Palle rikrell lo pes pale un anell gar koi bibacht pral tumende, kolatar job rakras.

Zakarie 7:7

Kawa hi kowa, hoi o baro Dewel mukas te penell dran o mui leskre rakepangre, kai glan mande koi his, har o foro Jerusalem brawelo his, un bud menshe kote djiwan, ninna an i forja trujel un an ko mulo them, hoi kharell Negev, un an o telstuno them.

Ezekiel 18:5

I mursh, kai djiwell an o tchatchepen un krell, hoi mishto un tchatcho hi,