Jeremia 7:33 - O Debleskro Drom 2021 (Sinte)

³³ Tchirkle un diwje vieche chan kol mule menshen pre, un kek tradell len krik.

O Debleskro Lab 2024 (Sinte-Manouche)

³³ Čirkle oun divye firhe rhan kol moule menshen pre, oun kek tradell len krik.

Jeremia 7:33 Referans Kwoze

Jeremia 12:9

O them mire menshendar was i them, kai i diwje djukle khetne wan. Un trul lende hi sawe tchirkle, kai chan mass: Awenn khetne tumer tsele diwje vieche! Kate hi chapen!

5. Mose 28:26

Un te han mulo koi tchiddo, palle wenn i tchirkle un i diwje vieche, te chan le tumaro mass. Un kek tradell len krik.

Ezekiel 39:4

Ap i berge Israel weh tu mulo dino, tu un tire tsele lurde, ninna kol lurde dran wawar themma, kai tuha wan. Un me dau tumen i diwje viechenge un hake tchirklenge, kai mass chan, te chal.

Jeremia 34:20

Un me dau len an i wasta kolendar, kai kamenn len te marell, un lenge ap o djipen djan. Un lengro mulo mass well o chapen i tchirklenge un i diwje viechenge.

Jeremia 25:33

Ap ko diwes marell o baro Dewel menshen ap i tseli phub jek rigjatar ap i wawar. Un i mule menshe hi koi tchiddo, un kek rowell pral lende, hadell len pre un paskrell len. Jon atchenn tchiddo har ful ap i phub.

Jeremia 22:19

Job well gar paskedo, job well krik tserdedo har i muli burika, un win witsedo glan i wudja o forestar Jerusalem.

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 9:22

I gosewo te sharell pes gar, kai job gosewo hi. I sorelo te sharell pes gar, kai job sorelo hi. I brawelo te sharell pes gar, kai job brawelo hi.

Jesaja 18:6

Un kolla lauter mukell lo tchiddo i tchirklenge, kai mass chan ap i berge, un i diwje viechenge ap i phub. Un kol tchirkle chan kolendar o tselo nijal un kol diwje vieche o tselo wend.

Jeremia 14:16

Jaake djal ninna kol menshenge, kai shunenn ap lende. Jon hi mulo tchiddo ap i dromma an Jerusalem. I bok un o charo maras len. Un kek paskrell len, lengre romjen un lengre tchawen. Me anau tchilatchepen pral lende, jaake har jon tchilatchepen kran.

Jeremia 15:3

Me, o baro Dewel, lom man glan, te anap star kope pharo koowa pral lende: o chareha te wenn le mulo dino, i djukle tserdenn len krik, i tchirkle chan len, un kowa hoi lendar pral atchell, chan i diwje vieche pre.

Ezekiel 29:5

Me witsrau tut an o mulo them, tut un i tsele matche dran tire bare lengste panja. Ap i phub witsrau tut. Kote atcheh tchiddo. Un kek well, kai hadell tut pre un paskrell tut. Me dau tut i diwje viechenge un i tchirklenge chapaske.

5. Mose 8:20

har kol wawar menshe, kai o baro Dewel glan tumende marell. Tchatchepah, tumer te shunenn gar ap leskro rakepen, wenn tumer maredo.

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.