Jeremia 6:4 - O Debleskro Drom 2021 (Sinte)

⁴ Jon penenna: Stas pre, te kuras men o foreha! Te djas pre jaake rah har mashkral o diwes hi! – Na-a, i rati kamell te well, un sik well tamlo.

O Debleskro Lab 2024 (Sinte-Manouche)

⁴ Yon penenna: Stas pre, te kouras men o foreha! Te djas pre yaake rah har mashkral o dives hi! – Na-a, i rati kamell te vell, oun sik vell tamlo.

Jeremia 6:4 Referans Kwoze

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Zefanja 2:4

O foro Gaza well muklo, un o foro Ashkelon well paash dino. I menshe an o foro Ashdod wenn mashkral ap o diwes dran o foro tradedo. Ninna kolla an o foro Ekron wenn dran lengro foro win tradedo.

Jeremia 8:20

O tsiro hi trujel, kai o djob dren anlo well. O nijal hi trujel, un kek was, kai men dran i bibacht win las.

Jeremia 5:10

Nashenn pre, kai lengre drakengre ruka tardo hi, un krenn len paash! Ma tserdenn i tsele burra win! Mukenn tchomone tardo! Tserdenn i kashta i drakentsa win, kolla hi gar mange.

Kamlepaskri gili 2:17

O diwes te well shila, un o kham djal tele, ab pash mande, miro pirno! Ab sik har i wesheskri busni, har i terno tserfo ap i barrengre berge!

Jeremia 6:23

Lengre lurde kurenn pen i bogentsa un i charentsa. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Zion!

Jeremia 15:9

Koi djuwjat, kai efta tchawe his, lake atchas kek buder djido. Lakro dji phagas. Lakro kham djas tele mashkral ap o diwes. Lakro sharepen un lakri bacht hi buder gar koi. Un hoi kol menshendar pral atchas, dau me an i wasta kolendar, kai denn len mulo o chareha. Kowa penell o baro Dewel.

Obadja 1:1

Kowa hi, hoi o Obadja dikas. Kawa penell o baro Dewel, maro rai, pral o them Edom: O baro Dewel bitchras peskro bitchepaskres pash i menshende an wawar themma. Un mer shunam, har job penas: Stenn pre! Mer djas an o kurepen un kuras men i menshentsa an o them Edom!

Hiob 7:2

Jaake har i budepaskro, kai kamell, te well rati, kai well lo dran o kham, un kai well lo plaissedo,

Micha 3:5

Kawa penell o baro Dewel ap i rakepangre, kai penenn, te well len i lab o baro Deblestar, un kowa hi gar jaake. Jon chochenn i menshen un penenn kolenge, kai denn len chapaske: Halauter well mishto tumentsa! Kolenge, kai denn len tchi te chal, penenn le: I tchilatcho tsiro well pral tumende.