Jeremia 6:24 - O Debleskro Drom 2021 (Sinte)

²⁴ Mer shunam lendar, un mare mussja peran menge tele. Un i bari traash was ap mende. Men hi bare duka har i djuwel, kai i ternepen lella.

O Debleskro Lab 2024 (Sinte-Manouche)

²⁴ Mer shounam lendar, oun mare moussya peran menge tele. Oun i bari traash vas ap mende. Men hi bare douka har i djouvel, kay i ternepen lella.

Jeremia 6:24 Referans Kwoze

Jeremia 50:43

Te shunell o baro rai an Babilon lendar, perenn leskre wasta ap leskre herja tele. Un i bari traash well ap leste har i traash i djuwjatar, kai i ternepen lella.

Jeremia 49:24

I menshe an Damaskus hi dareno un nashenn penge. Jon trissenna, un bari traash un duka hi an lende, har i djuwjat hi, kai anell i ternepen ap i phub.

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Jeremia 30:6

Putchenn un dikenn: Nai anenn mursha tchawe ap i phub? Har djal kowa, te dikau, har rikrenn i tsele mursha pengre wasta ap o per, har djuwja, kai i ternepen lenna? Hoske hi lengre muja jaake parno?

Jeremia 13:21

Hoi peneh tu, te kamell o baro Dewel, te wenn kolla rai pral tute, kai an tire jaka tire mala his? I dukatar deh tu gole har i djuwel, kai lell i ternepen.

Jesaja 28:19

Hako kopo, kai wenn le, taprenn le tumendar un anenn tumen krik, nai well ap o diwes un ninna an i rat. Te haiwans tumer, hoi shunenn, palle atchals tumenge o rakepen krik i trashatar.

Jesaja 21:3

Hoi shunom, hi jaake djungelo, kai phagau khetne. Hoi dikom, krell man bari traash. Mire kokale trissenna, duka tapran man har i djuwjat, kai lell i ternepen.

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Jeremia 22:23

Kanna hi tiro baro rai beshdo ap i berga Libanon, un mukell peske mishto te djal an khera dran zedertikro kasht. Sik well koi phagi pral leste. Un palle dell lo gole i dukatar, har i djuwel, kai lell i ternepen.

Debleskri gili 48:6

Jon dikan kowa un lenge atchas o dji tardo. Len tapras i daar un jon nashan penge.

Daniel 5:9

Kote tapras o baro rajes Belsazar gomme bareder daar. Un leskro mui was mulo parno, un leskre bare mursha trashan un daran.

Jeremia 48:41

Kal forja un sorele khera wenn dren lino. Ap ko diwes hi i djia o tchatche murshendar an o them Moab jaake dareno, har o dji i djuwjatar, kai anell i ternepen ap kai phub.

Ezekiel 7:17

Kek soor hi len buder an pengre wasta. I darjatar nai rikrenn le pengro pani gar.