Jeremia 6:2 - O Debleskro Drom 2021 (Sinte)

² Tu, shukar foro Jerusalem, ko tsiro hi koi, kai weh paash dino.

O Debleskro Lab 2024 (Sinte-Manouche)

² Tou, shoukar foro Yerusalem, ko tsiro hi koy, kay veh paash dino.

Jeremia 6:2 Referans Kwoze

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Jesaja 1:8

Kokres o foro Jerusalem atchas pral, i foro trul koleste i lurde tardo hi. Ko foro hi kokres har i tikno kheer an i drakengro them, har i kheer, kai jek jak dell an i rati ap kowa, hoi ap peskri phub bares well.

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

Ropaskre gilja 2:1

Ach, o baro Debleskri choli hi tchiddo ap o foro Zion har i kali rati! Jerusalem, hoi sharedo was bis an o bolepen, was tele witsedo ap i phub. Ap ko diwes, kai leskri choli pral i berga Zion was, his leske tchi, te his o foro i banko peskre pirenge.

5. Mose 28:56

Un i djuwel tumendar, kolat hako tsireske doha ap halauter his, un jaake railes djiwas, te mukas pes li te hidjrell, un peskre pire gar ap i phub tchiwas, – jaake railes was li peske glan, un sau brawelo djipen djiwas li – ninna koi djuwel chal peskro ternepen un kowa hoi gomme pal kowa win well dran late, har anas li o ternepen ap i phub. Tchorchanes chal li kowa un dikell pherdo silwepen ap peskro romeste un peskri tchat, te lenn jon tchi kolestar. Tchi wawar atchas lake chapaske. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

Ropaskre gilja 4:5

Kolla, kai bud latcho chapen chajan, merenn kanna i bokatar win ap i dromma. Kolla, kai ap kutch pernitse hidjedo wan, hi kanna an i khandli tchik tchiddo.