Jeremia 6:18 - O Debleskro Drom 2021 (Sinte)

¹⁸ Doleske shunenn, tumer menshe an i tsele themma: Denn garda, hoi kal menshentsa krau!

O Debleskro Lab 2024 (Sinte-Manouche)

¹⁸ Doleske shounenn, t'mer menshe an i tsele themma: Denn garda, hoy kal menshentsa krau!

Jeremia 6:18 Referans Kwoze

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 4:10

Koi penom me: Baro Dewel, miro rai, tu chochral kol menshen an Jerusalem an, har tu penal, kai kek kurepen mashkral lende well. O charo hi koi un kamell len mulo te dell.

Jesaja 5:3

Kanna awenn, tumer menshe an o foro Jerusalem un an o them Juda, un krenn o tchatchepen win mashkral mande un miro drakengro them!

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Jeremia 6:19

I menshe ap i tseli phub hunte shunenn kowa. Me kamau bibacht pral kal menshende te anell. Ap mire laba denn le kek garda, un djan gar ap miro drom. Doleske lenn le pengri phagi.

Jeremia 4:16

Denn i menshen trad! Penenn kolenge an o foro Jerusalem: kurepangre wenna dran dur themma, un denn pengro kurepaskri gole win, te lenn le i forja an o them Juda dren.