Jeremia 51:9 - O Debleskro Drom 2021 (Sinte)

⁹ [I wi-themarja, kai kote djiwenn, penenn:] Mer kamam o foro Babilon sastes te krell, un job kamas gar sasto te well. Palle mukenn les, har job kamella! Mer djas halauter pale an mare themma! Leskri phagi hi jaake baro, te djal li bis an o bolepen.

O Debleskro Lab 2024 (Sinte-Manouche)

⁹ [I vi-themarya, kay kote djivenn, penenn:] Mer kamam o foro Babilon sastes te krell, oun yob kamas gar sasto te vell. Palle moukenn les, har yob kamella! Mer djas halauter pale an mare themma! Leskri phagi hi yaake baro, te djal li bis an o bolepen.

Jeremia 51:9 Referans Kwoze

Debleskro tsiro 18:5

Ko foro hi har i djuwel, hoi wi-ladjedo koowa kras. Lakri doosh hi jaake baro, te djal koi doosh an o bolepen pre. Un o Dewel bistras ko tchilatcho koowa gar, hoi joi kras.

Jeremia 50:16

Mukenn kekes djido, kai tchiwell djob an i phub, un kekes, kai tchinell o djob tele an ko tsiro, kai hi lo baro! Lauter kolla, kai hi gar khere an kau them, nashenn penge glan o marepaskro charo, un nashenn pash pengre menshende an pengro them.

Jesaja 13:14

Un kol wi-themarja, kai djiwenn an o foro Babilon, kolla nashenn pash pengre menshende, hakeno an peskro them. Jon hi har wesheskre busja, kai tradede hi, un har bakre, kolen kek bakrengro hi.

Jeremia 46:16

Job krella, kai bud lendar perenna, un jek ap o wawareste ap i phub tchiddo hi. Kote penenn i lurde: Awenn, mer djas pale pash mare menshende, an kol themma, kai khere ham! Awenn, nashas glan kal marepaskre chare!

Esra 9:6

un penom: “Miro Dewel, me ladjau un trashau man, te hadap mire jaka pral pash tute, miro Dewel; mari doosh was pral maro shero, un maro tchilatchepen hi baro bis pral an o bolepen.

Jeremia 46:21

Ninna i lurde, kai plaissedo wenna an kau them, hi har terne thulle grumja. Jon nashenn penge un kurenn pen gar ap ko tchilatcho diwes, kai well i bibacht pral lende, un jon pengri phagi lenna.

Jeremia 8:20

O tsiro hi trujel, kai o djob dren anlo well. O nijal hi trujel, un kek was, kai men dran i bibacht win las.

Jesaja 47:15

Jaake hi kol tsele drawepangre, kolentsa khetne budral, kolla, kai paran tuha fun ko tsiro, har terno hals. Kek lendar nai rikrell pes ap peskre herja, un perell fun jek rig ap i wawar. Un kek hi koi, kai lell tut win dran i bibacht.

2. Familjakro liil 28:9

Kote djiwas i Debleskro rakepaskro. Leskro lab his Obed. Kowa djas win un stakras kol lurdenge an o drom, kai wan pale an o foro Samaria, un penas ap lende: “O baro Dewel, ko Dewel tumare phurendar, his chojedo pral i menshende an o them Juda. Doleske das job len an tumare wasta. Tumer dan len i bari choljah jaake khetne, kai lengre golja an o bolepen shunlo wan.

Debleskro tsiro 18:4

Un me shunom, har jek wawar dran o bolepen rakras un penas: “Mire menshe! Djan dran ko foro win, te lenn tumer gar leskri doosh un leskri bibacht ap tumende!

Hosea 7:13

Bibacht ap lende! Jon djan mandar krik! Merepen pral lende! Jon peran mandar tele! Me kamoms len dran i bibacht te lell, un jon rakrenn chochepen pral mande.