Jeremia 5:30 - O Debleskro Drom 2021 (Sinte)

³⁰ An kau them djal bud tchilatchepen un djungelo koowa.

O Debleskro Lab 2024 (Sinte-Manouche)

³⁰ An kava them djal boud čilačepen oun djoungelo koova.

Jeremia 5:30 Referans Kwoze

Hosea 6:10

An o them Israel dikom djungelo tchilatcho koowa. Kote mukas man o kheer Efrajim har i djuwel, kai peskro romes chochell. Jaake kran pen mire menshe pale-tchiddo.

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 2:12

Dare tu, bolepen, un tut well traash pral kau koowa, penell o baro Dewel.

Jesaja 1:2

Tu, o bolepen, un tu, i phub, shunenn, hoi me, o baro Dewel, penau: Me tserdom tchawen bares. Un har jon baro wan, phagan le mantsa.

Jeremia 18:13

Doleske penell o baro Dewel: Putchenn i menshendar an wawar themma: Kai das sawo djungelo koowa, har kol menshe dran Israel kran?