Jeremia 49:5 - O Debleskro Drom 2021 (Sinte)

⁵ O baro Dewel, ko rai pral o bolepen un i phub penell: Me anau bari traash pral tumende. I menshe dran i themma trul tumende, kolla perenn pral tumende, un tumer wenn win tradedo ap hake rigja. Un kek lell tumen pale khetne.

O Debleskro Lab 2024 (Sinte-Manouche)

⁵ O baro Devel, ko ray pral o bolepen oun i phoub penell: Me anau bari traash pral t'mende. I menshe dran i themma troul t'mende, kolla perenn pral t'mende, oun t'mer venn vin tradedo ap hake rigya. Oun kek lell t'men pale khetne.

Jeremia 49:5 Referans Kwoze

Jeremia 49:29

Palle tchorenn le lenge lengre plachtene khera un lengre vieche, ninna lengre plachte, un lengro tselo koowa un lengre khamele. Un pral lende well kharedo: Traash trul lende!

Jeremia 46:5

Hoi dikau me kote? putchell o baro Dewel. Len hi traash, kol lurde, un tserdenn pen pale! Ninna i sorele kurepangre wenn dino. Hakeno nashell jaake sik har djala, un dikell buder gar pal peste!

Amos 4:3

Jek pal i wawar hunte djan tumer mank i massuri win – kote kai li paash hi. Un jon tradenn tumen kote, kai i berga Hermon hi. Kowa penau me, o baro Dewel.

Jeremia 20:4

Kowa penell o baro Dewel: Tu aneh traash ap tute un ap tire malende. Jon wenn maredo o chareha kolendar, kai kurenn pen lentsa. Un tu dikess kowa tire jakentsa. Un me kamau i tsele menshen an o them Juda an o wast o baro rajestar dran o them Babilonia te dell. Kowa anell i kotar lendar pandles an Babilonia un dell i wawaren mulo o chareha.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jesaja 16:3

Pen menge, hoi hunte kras? Kre tchomone! Khate kolen, kai palla lino wenn! Rike tire mussja pral lende, jaake har i buchlo ruk, te well o diwes lenge har i rat, kai wenn le gar diklo. Ma phuke ap kolende, kai ap o naashepen hi!

Gosewe laba 28:1

O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Hiob 15:21

An leske kanda shunell lo i gole, hoi krell leske daar. An ko tsiro, kai leske latches djal, well o marepaskro pral leste.

2. Rajengro liil 19:7

Me krau, te penell jek tchomone ap o baro rajeste, hoi les tradell, te djal lo pale an peskro them. Un kote krau, te well lo maredo o chareha.’”

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Ropaskre gilja 4:15

“Djan tumenge, tumer pale-tchidde”, dan le lenge gole. “Djan tumenge, djan tumenge! Ma taprenn ap tchomone!” Jaake nashan le penge, un djinan gar, kai te djan. An i wawar themma was lenge penlo: “Pash mende nai atchenn gar!”

Jeremia 6:25

Ma djan ap tumaro kotar them, kharell jek ap o wawareste! Ma nashenn ap i drom! I lurde wenna haki rigjatar un marenn hakenes pengre charentsa.