Jeremia 49:35 - O Debleskro Drom 2021 (Sinte)

³⁵ Kowa penell o baro Dewel, ko rai pral o bolepen un i phub: I Elamarja denn mishto karje pengre bogentsa. Doleske hi le jaake sorele. Me phagau lengre boge.

O Debleskro Lab 2024 (Sinte-Manouche)

³⁵ Kova penell o baro Devel, ko ray pral o bolepen oun i phoub: I Elamarya denn mishto karye pengre bogentsa. Doleske hi le yaake zorele. Me phagau lengre boge.

Jeremia 49:35 Referans Kwoze

Jesaja 22:6

I lurde dran o them Elam hidjrenn pengre gone i failentsa, un wenn ap wurdja i grajentsa. Lurde dran o them Kir rikrenn pengre shilte an i wasta.

Jeremia 51:56

wenn kolla pral o foro Babilon, kai phagenn o foro tele. Kol sorele kurepangre an Babilon wenn pandlo, lengre boge wenn phagedo. O baro Dewel hi i Dewel, kai dell lenge ko tchilatchepen pale, hoi le kran.

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Jeremia 50:29

Kharenn kolen khetne, kai haiwenn pengre bogentsa karje te dell! Jon halauter hunte tchiwenn pen pre trul o foro Babilon, un mukenn kekes te nashell peske krik un djiwell! O foro Babilon phurdas pes pre un hadas pes pral mande, o baro Debleste, kai o Israeleskro tchatcho Dewel hi. Doleske denn o foreske o tchilatchepen pale pale, hoi lo kras! Jaake har job ap i wawarende kras, jaake krenn leske ninna!

Jeremia 50:14

Tumer, kai i bogentsa karje denn, tchiwenn tumen trul o foro Babilon pre! Lenn bud faile un denn pal leste karje! Kau foro kras tchilatchepen ap o baro Debleste.

Hosea 1:5

An ko tsiro krau, te wenn kote an i tala Jesreel i Israelengre lurde dino.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Jesaja 21:2

Hawo pharo koowa was mange siklo! O phukepaskro phukrella, un o randepaskro randella. Tumer lurde dran i themma Elam un Media, krenn tumen ap o drom, un tchiwenn tumen pre trul lo foro Babilon. O baro Dewel krell, te hunte rowell buder kek pral kowa, hoi i Babilonarja kran.