Jeremia 49:15 - O Debleskro Drom 2021 (Sinte)

^15-16 O baro Dewel penell ap o them Edom: Tu djiweh pral an i berge mank i bare barra. Kal berge hi tire. Un i wawar menshe darenn tutar. Doleske phurdal tu tut pre, un penal tuke: Me hom o bareder. Kanna shun, tiro dji chochras tut. Ninna te kreh tiro kheer jaake dur pral ap i berga har i adlari, witsrau me tut kotar tele. Me krau tut tikno mank i natsjone. Un i menshe an wawar themma dikenn tele ap tute. Kowa penell o baro Dewel.

O Debleskro Lab 2024 (Sinte-Manouche)

^15-16 O baro Devel penell ap o them Edom: Tou djiveh pral an i berge mank i bare barra. Kal berge hi tire. Oun i vavar menshe darenn toutar. Doleske phourdal tou tout pre, oun penal touke: Me hom o bareder. Kanna shoun, tiro dji rhorhras tout. Ninna te kreh tiro kheer yaake dour pral ap i berga har i adlari, vitsrau me tout kotar tele. Me krau tout tikno mank i natsyone. Oun i menshe an vavar themma dikenn tele ap toute. Kova penell o baro Devel.

Jeremia 49:15 Referans Kwoze

Louka 1:51

Un job hadas peskri soreli mussi, un tradas kolen krik, kai kran pen kokres bares.

Micha 7:10

Kolla, kai rikrenn man tele un putchenn mandar ‘kai hi tiro baro Dewel’, jon hunte dikenn kowa, un hunte ladjenn. Un mire jaka dikenn, har le khetne stakedo wenna, har tchik ap i drom.

Obadja 1:2

O baro Dewel penell ap o them Edom: Me krau tut tiknes, jaake te dikell hako them ap i phub tele ap tute.

Debleskri gili 53:5

“Kolla, kai o tchilatcho koowa krenna, haiwenn tchi”, penell o Dewel, – “kolla, kai mire menshen chana har i kotar maro. Man denn le gar an-gole.”

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.

Jeremia 49:14

O baro Dewel bitchras peskro bitchepaskres pash i menshende an wawar themma. Un me shunom, har job penas: Awenn khetne! Mer djas an o kurepen, un kuras men i menshentsa an o them Edom!