Jeremia 49:13 - O Debleskro Drom 2021 (Sinte)

¹³ Me, o baro Dewel, dom man pash mande kokres sowel, te well tumaro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, jaake paash dino well ko foro. Te kamell jek o wawares te praassell, penell lo: Mu djal tuke har o foreske Bozra! Ninna i tsele wawar forjendar an o them Edom atchell tchi pral har barra hako tsireske!

O Debleskro Lab 2024 (Sinte-Manouche)

¹³ Me, o baro Devel, dom man pash mande kokres sovel, te vell t'maro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, yaake paash dino vell ko foro. Te kamell yek o vavares te praasell, penell lo: Mou djal touke har o foreske Bozra! Ninna i tsele vavar foryendar an o them Edom ačell či pral har barra hako tsireske!

Jeremia 49:13 Referans Kwoze

Jesaja 34:6

O charo o baro Deblestar hi pherdo rat un thulepen, jaake har i tchuri pherdo rat un bukengro thulepen hi ap ko diwes, kai wenn terne bakre, busja un mursh bakre maredo o Debleske. Kanna rikrell o baro Dewel i marepaskro diwes an o foro Bozra, un marell bud bud menshen an o them Edom.

1. Mose 36:33

Har o Bela meras, was o Jobab dran o foro Bozra o baro rai. Leskro dad his o Serach.

1. Mose 22:16

un penas: “O baro Dewel penell: Tu kamal tiro jek tchawes mange te marell. Kowa kamal tu mange te krell. Doleske dau man ap mande sowel, te tchiwap miri soor un miri bacht ap tute. Un tutar wenna bud bud menshe. Jon wenn jaake bud har bolepangre momlia ap o bolepen hi, un har i santa pash o baro pani. Un tire tchawe, kai pal tute wenna, wenna rai pral kolende, kai kurenn pen lentsa un lenn kolengre forja krik.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Amos 1:12

Me bitchrau i jag an o foro Teman, un chatchrau i sorele khera tele an o foro Bozra.

Jeremia 49:22

Dik, job wella pral o them har i adlari, un tchiwell peskre mussja pral o foro Bozra. An ko tsiro hi i djia kol tchatche murshendar an o them Edom jaake dareno, har ko dji i djuwjatar, kai anell i ternepen ap i phub.

Jeremia 44:26

Kanna shunenn, hoi o baro Dewel tumenge penell, tumer halauter dran o them Juda, kai djiwenn an o them Egiptia: Me dau man sowel pash miro baro lab, penell o baro Dewel, te well miro lab buder gar win rakedo kol menshendar dran o them Juda, kai kate an o them Egiptia djiwenn. Kek lendar hunte penella: “Pash o djido Debleste, maro rajeste!”

Jesaja 63:1

Koon hi kowa, kai well dran o them Edom dran o foro Bozra, rido an lole koola? Koon hi kowa, kai hi jaake railes rido, un kai nashell railes an peskri bari soor. Kowa hom me, o baro Dewel, kai rakrell an o tchatchepen: Man hi i soor, te lap tumen dran o merepen win.

Jesaja 45:23

Me dom man sowel pash mande kokres, un hoi penom, hi tchatcho un nai well gar krik lino: Hakeno hunte witsrell pes glan mande ap i phub, un hako mui dell pes sowel

Obadja 1:18

Un i menshe dran i khera Juda un Israel wenn har i jag. Un o kheer Edom hi o phuss, hoi well pre chatchedo, bis te tchi o kherestar Esau pral atchas. Kowa penell o baro Dewel.

1. Familjakro liil 1:44

Har o Bela meras, was pal leste o Jobab o rai, koleskro dad o Serach his, dran Bozra.

Jeremia 18:16

Doleske well lengro them har i mulo them, kai le daar lenna. Un kolenge, kai dikenn kowa, atchell o rakepen krik. Un jon denn i wasta pral o shero khetne.

Jeremia 19:8

Me kamau sawi bari bibacht pral kau foro te anell, kai hakeneske, kai dikell kowa, o rakepen krik atchella un job pral leste sala.

Jeremia 51:14

O baro Dewel, ko rai pral o bolepen un i phub das pes sowel pash peste: Tchatchepah, me anau bud lurden an tiro foro – jaake bud har stepangre! Un jon denn bari gole i bachtjatar, te lenn le tiro foro dren.

Jeremia 48:24

Kerjot, Bozra, un pral i tsele wawar forja an o them Moab, kolla, kai dur hi, un kolla kai gar dur hi.