Jeremia 48:1 - O Debleskro Drom 2021 (Sinte)

¹ Laba pral o them Moab. Kowa penell o baro Dewel, ko rai pral o bolepen un i phub, kai o Israeleskro Dewel hi: Djungeles djal kol menshenge an o foro Nebo. Khetne dino well lengro foro. Ladj well pral o foro Kirjatajim. Dren lino well lo. I massuri trul o foro well tele dino un khetne phagedo.

O Debleskro Lab 2024 (Sinte-Manouche)

¹ Laba pral o them Moab. Kova penell o baro Devel, ko ray pral o bolepen oun i phoub, kay o Israeleskro Devel hi: Djungeles djal kol menshenge an o foro Nebo. Khetne dino vell lengro foro. Ladj vell pral o foro Kiryatayim. Dren lino vell lo. I massouri troul o foro vell tele dino oun khetne phagedo.

Jeremia 48:1 Referans Kwoze

4. Mose 32:3

“Ko them pash kol forja Atarot, Dibon, Jaser, Nimra, Heshbon, Elale, Sibma, Nebo, un Beon,

Jeremia 25:21

i tsele menshe an i themma Edom, Moab un Ammon;

Jeremia 27:3

Man hi i lab kol bare rajenge pral i themma Edom, Moab, Ammon, Tirus un Sidon. Lengre bitchepangre hi an Jerusalem pash o baro rajeste Zedekja. Muk lenge te penell,

Jesaja 27:3

Me, o baro Dewel, dau ap leste jak, un dau les pale te pale pani. Kek tsiro mukau les dran miro jak, jaake te nai krell les kek tchomone.

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

2. Familjakro liil 20:10

Kanna dik! O Ammonarja, un o Moabarja un kolla dran i berge Seir, kamenn pen mentsa te kurell. Har mare phure wan dran o them Egiptia win, mukal len gar an kal themma te djal. Jaake djan le trul kal themma trujel un maran len gar.

4. Mose 33:47

Fun kotar wan le an kol berge Abarim, wergel o foro Nebo ap koi rig, kai o kham pre djal.

4. Mose 24:17

Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.

1. Mose 19:37

Un i phureder tchai anas i tchawes ap i phub. Koles das joi ko lab Moab. Kolestar wenna kol menshe, kai hi kau diwes i Moabarja.

Josua 13:19

Kirjatajim, Sibma, Zeret-Shahar ap koi berga hoi an i tala tchiddo hi;

1. Mose 14:5

An o deesh-te-starto bersh was o baro rai Kedor-Laomer un kol wawar bare raja, kai leha khetne his. Un jon kuran pen: kol menshentsa an o foro Asterot-Karnajim – kolla his i Refajarja; kol menshentsa an o foro Ham, – kolla his i Susarja; kol menshentsa, kai djiwenna an o them, kai o foro Kirjatajim tardo hi, – kolla his i Emarja;

Jesaja 25:12

Un kol sorele bare khera an o them Moab phagell o Dewel tele, un dell len khetne, te perenn le tele an i tchik.