Jeremia 46:5 - O Debleskro Drom 2021 (Sinte)

⁵ Hoi dikau me kote? putchell o baro Dewel. Len hi traash, kol lurde, un tserdenn pen pale! Ninna i sorele kurepangre wenn dino. Hakeno nashell jaake sik har djala, un dikell buder gar pal peste!

O Debleskro Lab 2024 (Sinte-Manouche)

⁵ Hoy dikau me kote? poučell o baro Devel. Len hi traash, kol lourde, oun tserdenn pen pale! Ninna i zorele kourepangre venn dino. Hakeno nashell yaake sik har djala, oun dikell bouder gar pal peste!

Jeremia 46:5 Referans Kwoze

Jeremia 49:29

Palle tchorenn le lenge lengre plachtene khera un lengre vieche, ninna lengre plachte, un lengro tselo koowa un lengre khamele. Un pral lende well kharedo: Traash trul lende!

Jeremia 6:25

Ma djan ap tumaro kotar them, kharell jek ap o wawareste! Ma nashenn ap i drom! I lurde wenna haki rigjatar un marenn hakenes pengre charentsa.

Jeremia 46:21

Ninna i lurde, kai plaissedo wenna an kau them, hi har terne thulle grumja. Jon nashenn penge un kurenn pen gar ap ko tchilatcho diwes, kai well i bibacht pral lende, un jon pengri phagi lenna.

Nahum 2:8

Koi rani well pandles krik anlo. Lakre djuwjengre budepangre rowenn har i taube, un denn penge ap pengro betch.

Ezekiel 32:10

Ap ko tsiro, kai well miri phagi ap tute, atchenn lenge i balla tardo. Un lengre raja trissenn i darjatar, te dikenn le, hoi tuha krau. Te hadau miro charo glan lende, trissenn le o tselo tsiro. Hakeno darell peskro djipaske.

Jeremia 46:15

Hoi dikau me kote? Tire sorele perenn ap i phub, un nai atchenn gar tardo. O baro Dewel das len tele.

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

1. Mose 19:17

Har jon glan o foro his, penas ko jek bolepaskro ap o Lot: “Naash, te atchess tu djido! Ma dik pal tute! Ma atch tardo kate an kau them pash o pani Jordan! Naash ap kol berge, te wess tu gar maredo!”

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jesaja 13:8

Un jon perenn an pende khetne, tserdenn pen khetne i dukatar har i djuwel, te lell li i ternepen. Jek dikell darenes ap o wawareste, un lengre muja hi lolo har jag.

Jesaja 42:17

Kolla, kai rikrenn pen ap i chochene debla, un penenn ap kolende, hoi i menshengre wastentsa kerdo wan: ‘Tumer han mare debla’, kolla wenn pale-tchiddo un hunte ladjenn pen.

Jeremia 49:5

O baro Dewel, ko rai pral o bolepen un i phub penell: Me anau bari traash pral tumende. I menshe dran i themma trul tumende, kolla perenn pral tumende, un tumer wenn win tradedo ap hake rigja. Un kek lell tumen pale khetne.

Ezekiel 39:18

Chan o mass i sorele lurdendar, un pijenn o rat i pralstunendar ap kai phub! Jon wenn maredo, har te wans le thulle vieche, kai o Debleske maredo wenn, har murshkane bakre, tikne bakre, busja un gurma, kai halauter dran o them Bashan hi.

Nahum 2:9

Halauter nashenn dran o foro Ninive har pani, hoi dre-pandlo his, win nashell, te well o wudar pre kerdo. Atchenn tardo! Atchenn tardo! denn le gole pal lende. Kek rissrell pes!

Zefanja 1:14

O baro diwes o baro Deblestar hi gar dur, sik well lo un hi glan o wudar tardo. Kowa hi sau tchilatcho diwes! Shunenn, har ninna i sorele bari gole denna!