Jeremia 46:12 - O Debleskro Drom 2021 (Sinte)

¹² Tiri ladj was an i wawar themma win gole dino. Halauter shunan tiro ropen. Tire sorele kurepangre peran jek pral o wawar, un atchan jek pash o wawareste tchiddo.

O Debleskro Lab 2024 (Sinte-Manouche)

¹² Tiri ladj vas an i vavar themma vin gole dino. Halauter shounan tiro ropen. Tire zorele kourepangre peran yek pral o vavar, oun ačan yek pash o vavareste čiddo.

Jeremia 46:12 Referans Kwoze

Jeremia 46:6

Kowa kai sik hi, nai nashell peske gar. Un kowa kai sorelo hi, well tapedo. Kote, an o nordetikro them pash o pani Eufrat peran le, un atchenn le mulo tchiddo.

Jeremia 14:2

O them Juda hi bibachtelo koi tchiddo. I menshe an i forja merenna i bokatar. Lenge hi ropaske un jon beshenn pen ap i phub. Un an Jerusalem denn le i wasta pral o shero khetne.

Jesaja 19:2

Un me kamau len jek ap o wawareste pre te anell, jaake te marell pes jek phraal o wawareha, jek maal o wawareha, jek foro o wawareha, un jek them o wawareha.

Zefanja 1:10

Ap ko diwes well i bari gole shunlo, hoi well kotar, kai o Matchengro Wudar hi. Un i ropen well shunlo, hoi well dran o Newo Foro. Un i kurepaskri gole well i tikne bergendar. Kowa penell o baro Dewel.

Jeremia 51:54

Bari gole well shunlo dran o foro Babilon, un sorelo ropen dran o them Babilonia.

Jeremia 49:21

Te phagell o Edom khetne, trissell i phub tel leste. Un lengre golja wenn shunlo pash ko Baro Lolo Pani.

Jeremia 48:34

Kolla golja i menshendar dran o foro Heshbon wenn shunlo bis pash i forja Elale un Jahaz. Un koi gole dran o foro Zoar djal bis pash o foro Horonajim un o gab Eglat-Shelishija; Ninna kol panja pash Nimrim hidjrenn buder kek pani an pende.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

1. Samuel 5:12

Ninna kol menshe, kai gar meran, lan i djungelo nasslepen. Un koi gole an ko foro djas pre an o bolepen.

Jesaja 24:11

Ap i dromma denn le gole pal mool, kolatar kek buder koi hi. Kek sapen well shunlo, kek khelepen dell buder.

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Jeremia 47:2

Kawa penell o baro Dewel: Dik, panja wenna koi rigjatar, kai norden hi. Un kolla wenna i diwjo sorelo lengsto pani, hoi tchakrell kau tselo them tel peste, un halauter hoi koi dren hi, i forja un kol menshen, kai kote djiwenna. Un i menshe an kau them denn gole un rowenna.

Jeremia 50:46

Te well o foro Babilon dren lino, trissell i phub koi goljatar. Un koi ropaskri gole well shunlo an i wawar themma.

Nahum 2:5

Har diwjes ulerenn i wurdja ap i dromma! Jek hi sikeder har o wawar. Jon dikenn win har jag, un hi sik har koi jag, hoi har i karepen ap o bolepen pre un tele djal.