Jeremia 46:11 - O Debleskro Drom 2021 (Sinte)

¹¹ Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

O Debleskro Lab 2024 (Sinte-Manouche)

¹¹ Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

Jeremia 46:11 Referans Kwoze

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Micha 1:9

O dukepen o forestar Samaria nai well gar sasto. Koi bibacht well ninna an o them Juda, un taprell o foro Jerusalem, ko foro mire menshendar.

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Nahum 3:19

Tchi hi, hoi tiro dukepen sasto nai krell! Ko dukepen, hoi tu lal, ap koleste hunte meress. Lauter kolla, kai tutar shunenn, denn i wasta pral o shero khetne. Kek hi koi, ap koleste gar pale te pale tchilatcho hals.

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Mateo 5:26

Tchatchepah, me penau tuke: Tu weh gar dran o stilepen win jaake rah, har tu plaissral gar tiri tseli sijaan.

Ezekiel 27:17

I themma Juda un i Israel paran tuha un dan tut: latcho gib, hoi was dran o foro Minnit, ninna wawar jarro, gwin, djet un rukengro djet, hoi mishto sungell.

Jeremia 51:8

Har i khoro tele perell un an kotja phagell, jaake sik peras o foro Babilon un khetne phagedo. Rowenn pral o foro Babilon! Anenn leske dukepaskro djet, Nai well, te well lo pale sasto!

1. Mose 43:11

Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Jeremia 31:21

Tu terni tchai Israel, muk tuke an o shero te well, hawo drom tu djal, har djal an o pandepen. Ap kau drom djas pale khere an tire forja! Tchip barra pre pash o drom, hoi sikrenn tute, har te djas!