Jeremia 44:28 - O Debleskro Drom 2021 (Sinte)

²⁸ Kokres i wast pherdo lendar well gar maredo o chareha an Egiptia, un well pale an o them Juda. Jaake haiwenn halauter, kai pral atchan dran o them Juda, un kai an o them Egiptia djan, te djiwenn le kote, hawo rakepen tchatcho was, miro rakepen oder lengro rakepen.

O Debleskro Lab 2024 (Sinte-Manouche)

²⁸ Kokres i vast pherdo lendar vell gar maredo o rhareha an Egiptia, oun vell pale an o them Youda. Yaake hayvenn halauter, kay pral ačan dran o them Youda, oun kay an o them Egiptia djan, te djivenn le kote, havo rakepen čačo vas, miro rakepen oder lengro rakepen.

Jeremia 44:28 Referans Kwoze

Jeremia 44:14

Kek kolendar, kai pral atchan an o them Juda, un kate an o them Egiptia wan, te djiwenn le kate, nai nashell krik un atchell djido. Jon wenn buder gar pale an o them Juda, ninna te kamans le pale pale te djal, un kote te djiwell. Kokres i wast pherdo lendar nai nashell peske un nai well kote pale.

Jesaja 10:19

I tsele weshendar atchell kokres i wast pherde ruka pral. Har bud kolla hi, nai tchinell i tikno tchawo pre.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.

Jeremia 44:29

Un kawa hi ko sikepen, penell o baro Dewel: Me kamau tumen kate tumari phagi te dell, te djinenn tumer halauter, kai miro rakepen tchatcho wella, te well koi bibacht pral tumende.

Debleskri gili 33:11

Kowa, hoi o baro Dewel kamell te krell, atchell soreles tardo, un kowa, hoi les an peskro dji hi, te krell lo, atchell jaake rah har menshe koi hi.

Mateo 24:35

O bolepen un i phub atchenna gar. Mire laba atchenna hako tsiro.

4. Mose 14:41

O Mose penas: “Hoske kamenn tumer gar ap o baro Debleskro lab te shunell? Kowa djal gar mishto tumenge!

Jesaja 10:22

Ninna te wans i Israelitarja jaake bud har i santa pash o baro pani, gar bud lendar atchenn pral, un wenn pale pale ap o Debleskro drom. O merepen well budenge. Kowa hi i wi-kerdo koowa. Jaake well o tchatchepen kerdo.

Jeremia 42:17

Hi koon hi: Kowa kai krell pes ap o drom te djal lo an o them Egiptia, un te djiwell lo kote, kowa merell o chareha, i bokatar un o djungelo nasslepah. Un kek atchell djido lendar. Un kek nai nashell dran koi bibacht, hoi kamau me pral lende te anell.

Jeremia 44:13

Jaake har dom i menshende an Jerusalem i phagi, jaake dau ninna kol menshende dran Juda i phagi, kai an Egiptia djiwenn. Jon merenn o chareha, i bokatar un o djungelo nasslepah.

Jeremia 51:50

Tumer i menshendar Israel, kai wan gar maredo, djan win dran o foro Babilon! Un rikrenn tumen gar pre! Ninna te han an i dur them, ma bistrenn o baro Debles, witar gar o foro Jerusalem!

Ezekiel 6:8

Gar halauter tumendar mukau o chareha mulo te dell. Kolla, kai atchenn djido, mukau pandles krik te anell an wawar themma.